عنوان الموضوع : حملة نور القلوب لتحفيظ القران الكريم- القرآن
كاتب الموضوع : admin
مقدم من طرف منتديات ايمازيغن


اخواتى الغاليين اعضاء منتدى أمازيغيات
طبعا كلنا نحب نحفظ القران بس كلنا اوقات بيحس بالمشقة و بنحتاج الى يشجعنا وكمان المعظم بيكون نفسة يحفظ القران بس مبيكنش عندة الوقت او الجهد انة يروح مراكز تحفيظ القران للانشغال وضيق الوقت خاصة بالنسبة لربات البيوت علشان كدة انا فكرت اننا نكون صحبة نعين بعض على حفظ القران الكريم هنا فى المنتدى ودة لعدة اسباب منها ضيق الوقت عند المعظم زى ما قلت قبل كدة وكمان اننا فى معظم الاحيان مبنلاقيش الى يشجعنا ويتابعنا فى الحفظ ويراجع معانا وهنا بامر الله حنكون صحبة نحفظ القران الكريم مع بعض طبعا فية ناس ممكن تقول ان القران لة طريقة نطق معينة ومخارج لازم نعرفها والا الحفظ حيكون خاطئ طبعا دة صح القران لازم يحفظ كما انزل والنبى صلى الله علية وسلم كان معلمة سيدنا جبريل وكان بيحفظ منة واحنا كمان يا بنات حنحفظ بامر الله بالطريقة الصحيحة لانى بامر الله حيكون لينا نظام معين فى الحفظ والمراجعة نظام كامل يمكنا من حفظ القران بطريقة سليمة وحيكون لينا خطة نمشي عليها وجدول معين حنعرفهم مع بعض لما نبدا بامر الله
مضمون الخطة بتاعتنا حيكون بامر الله اننا نمشي على خطوة اضعف خطوة يعنى حناخد اقل كم من الحفظ علشان منتقلش على بعض الاخوات لاى سبب كان لان كل واحد ولة ظروفة ومش حقول حنبدا باربع ايات فى اليوم لا حقول حنبدا بخمس سطور كمان يعنى اضعف الايمان وطبعا مش حنحفظ بطريقة خاااطئة يا بنات او حنسيب الاخوات تحفظ غلط لا انا مرضهاش لا على نفسي ولا دينى ولا لحد انا بامر الله حجيب تسجيلات صوتية خاص بكل جزء حناخدة علشان نعرف النطق الصحيح لكل جزء وكمان حجيب تفسير للجزء الى حناخدة للمعرفة وثبات المعلومة وكمان بامر الله حنعف مع بعض احكام تلاوة القران واحكام التجويد علشان نعرف ننطق القران كمان انزل وناخد علية اللثواب يا بنات الى كلنا عارفينة وهو الحرف ب 10 حسنات بس علشان ناخد كل الحسنات دة لازم نعرف ننطق الحرف صح الاول وانا معاكم بامر الله وعلى قد ما ربنا يقدرنى حوفرلكم كل الى حنحتاجة واحنا بنحفظ بامر الله
اما بالنسبة للجدول بتاعنا يا بنات فمضمونة حيكون كالتالى حنقسم الاسبوع حناخد اربع ايام حفظ ويوم امتحان ويوم مفتوح لاى استتفساروحيكون فية خطبة صغيرة للتحفيذ على الحفظ ويوم اجازة يلا علشان تبقو فرحانين
وطبعا حيكون فية واجبات ولازم تتعمل والغياب يا بناااااااااات على قد ما تقدرو ممنوع وطبعا دة ليكم لانك لما تغيبى حيتراكم عليكى الحفظ ودة ممكن يكون مدخل للشيطان علشان يعجزك ويخليكى تبطلى تحفظى م معانا واحنا مش عاوزين كدة لا احنا عاوزين نختم القران مع بعض بامر الله
طبعا فية بنات ممكن تقول لية احفظ الحفظ مش فرض عليا انما عليا القراءة وبس حقولها فعلا حفظ القران فرض كفاية مش فرض عين يعنى اية فرض كفاية يعنى لو حفظة جزء من الناس بيكفي الناس جميعا لكن لو محفظهوش حد الكل ياثم احنا عاوزين نحفظ علشان نقرب من ربنا وكمان يا بنات مكانة حافظ القران دة حاجة مش قليلة دة حاجة لها مكانة عظيمة فى الدنيا والاخرة وعند ربنا نشوف مع بعض كدة الاحاديث ..
قال رسول الله صلى الله علية وسلم ( من اراد الدنيا فعلية بالقران ومن اراد الاخرة فعلية بالقران ومن ارادهما معا فعلية بالقران )
يعنى دنيتك واخرتك تقدرى تكسبيهم بالقران مش اخرتك وبس
طب تعالو نشوف مكانة حافظ القران فى الدنيا والاخرة
1 - ارتفاع منزلة حافظ القران
عن عبد الله بن عمرو رضي الله عنة قال : قال رسول الله صلى الله علية وسلم : ( يقال لصاحب القران اقرا وارتق ورتل كما كنت ترتل فى الدنيا فان منزلتك عند اخر اية تقرؤها )
2 - كرامات حافظ القران
عن ابى هريرة رضي الله عنه عن النبى صلى الله علية وسلم قال ( يجيئ القران يوم القيامة فيقول : يا رب حلة فيلبس تاج الكرامة ثم يقول : يا رب زدة فيلبس حلة الكرامة ثم يقول : يا رب ارض عنه فيقال : اقرا وارق فيزداد بكل اية حسنة )
3 - الحافظ مع السفرة الكرام البررة
عن عائشة رضي الله عنها عن النبى صلى الله علية وسلم قال : ( مثل الذى يقرا القران وهو حافظ له مع السفرة الكرام البررة )
قال تعالى ( فِي صُحُفٍ مُّكَرَّمَةٍ (13) مَّرْفُوعَةٍ مُّطَهَّرَةٍ (14) بِأَيْدِي سَفَرَةٍ (15) كِرَامٍ بَرَرَةٍ (16) ) سورة عبس

4 - اهل القران هم اهل الله وخاصتة

قال النبي صلى الله عليه و سلم :"(إن لله تعالى أهلين من الناس: أهل القرآن هم أهل الله و خاصته)" رواه احمد و الخاص بالنساء وابن ماجه والحاكم عن أنس رضي الله عنه .
5 _ حافظ القران لا يهلك
قال رسول الله صلى الله عليه وسلم:"( ابشروا فان هذا القرآن طرفه بيد الله و طرفه بأيديكم فتمسكوا به فإنكم لن تهلكوا و لن تضلوا بعده أبدا)" رواه الطبراني عن جبير رضي الله عنه.


طبعا يا بنات فضل القران كتير جدا ولو فضلنا نجيب فايات واحاديث طول اليوم مش حنوفى اجرة قد اية فيلا ادينا فى ادين بعض نحفظ القران الكريم طبعا حناخد عدد معين من البنات ولو العدد كبر حنوسع المجموعة بامر الله
يلا مع بعض نردد دعاء النبى صلى الله علية وسلم
الهم اجعل القران الكريم ربيع قلوبنا ونور صدورنا وجلاء همنا وغمنا يا ارحم الراحمين




الى حابة تشترك يا بنات تقول اسمها والى مش حابة يا ريت تقيم الموضوع لو عجبها

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©