عنوان الموضوع : بالله عليكى لتدخلى(رسول الله صلى الله عليه )- من السنة النبوية
كاتب الموضوع : hamida
مقدم من طرف منتديات ايمازيغن





هنتكلم كلام مهم اوي
عن حبيبك

وعن حبيب الله
عارفه يعني ايه حبيب الله؟

ممكن كام سؤال فكري ف اجابتهم كويس بعقلك ومتتسرعيش ف الاجابة

1/ بتحبي رسول الله صلى الله عليه وسلم؟
اه بحبه طبعا يا نسمة والله

طب ايه الدليل؟؟ يعني مثلا بتصلي عليه كتير؟؟ بتتمني تشوفيه ف يوم من الايام؟؟ بتقري سيرته؟ بتحفظي وتفهمي الاحاديث ايلي قالها؟؟

بتعملي حاجه من دول؟؟
ممممممم مش اوي يعني يا نسمة بس بحبه والله

طيب مين اغلى انسان عندك؟؟
مامتك // باباكي// ولادك/ جوزك.....

( لا يؤمن احدكم حتى اكون احب اليه من نفسه وماله وولده والناس اجمعين) رواه البخاري

يعني ايه يا نسمة يعني لو رسول الله عليه الصلاة والسلام مكانش هو الاول ف حياتي ابقى كافرة؟؟
لا طبعا
كلمه لا يؤمن هنا مش معناها الكفر
بس معناها اكتمال الايمان
لو الرسول مش الاول ف حياتك يبقى ايمانك ناقص للاسف

طب يعني يا نسمة ازاي يكون هو الاول .. يعني بصراحه انا بحب نفسي اكتر ... وانا بحب ابني .....
لالالالا لااااااااااازم يكون هو الاول معلش

طب ازاي؟
الكلام ايلي هندردش فيه سوا باذن الله هتعرفي بعده ازاي





عارفين يا بنات
انا في سؤال كل شويا طول حياتي يخطر على بالي
عايزة اسألهولكم يمكن تعرفوا تجاوبوا

لو انتي كنتي عايشه ف زمن الرسول عليه الصلاة والسلام كانت حياتك هتكون احلى ولا دلوقتي؟؟
استني متتسرعيش ف الاجابه وفكري

زمن الرسول عليه الصلاة والسلام كان مليان تعب اكتر من دلوقتي بكتيييييييييير كفايه الحروب مع الكفار وكفاية اذى الكفار لكل واحد يسلم زي ما بنشوف ف الافلام الدينيه كده شوفتوا تعذيب الكفار للمسلمين عشان يرجعوا عن اسلامهم ومع ذلك كانوا بيثبتوا وكانوا بيموتوا من العذاب يعني الموت عندهم كان اهون من كلمه ولو بالكدب انهم مش مسلمين

لو انتي مكانهم كنتي هتعملي ايه

لو حد جه عذبك او قتل ولادك قصادك عشان تكفري والعياذ بالله هتثبتي ولا هتعملي ايه؟؟
تخيلي كده الموقف
هقولكم قصة كلنا عارفينها تقريبا




عام الحزن
تخيلوا معاياا الموقف بقى كده

الرسول عليه الصلاة والسلام كان بيحاول يهدي مكة للاسلام وينشر الاسلام وكده وكانوا اكتر اتنين بيساعدوه ومعتمد عليهم اوووووووي : عمه ابو طالب وزوجته السيده خديجة رضي الله عنهم

تخيلوا الاتنين يموتوا ف نفس السنه

فطبيعي ان الرسول عليه الصلاة والسلام يحزن اوي ويزعل ويحس ان الازمة زادت

لكن هو بعد وفاتهم زود طاقته اكتر عشان بقى لوحده
تخيلوا عمل ايه

مشي على قدمه من مكة للطائف حوالي 100 كيلو بحالهم عشان عايز يدعي اهل الطائف للاسلام

 100 كيلو بياخدوا بالعربيه وقت حوالي ساعه ونص ع الاقل او ساعتين
تخيلوا بقى لو ماشية كده على رجلك 100 كيلو
لا وايه بقى
سن الرسول ف الوقت دا كان حوالي 50 سنه يعني كبير ف السن برده


وبعد ما وصل وكان تعبان جدااااااااااااااااااااااا ااااااااااااااااااااااااا ااااا طبعا
اتصدم من رد فعل الناس لان محدش استجابله واستقبلوه استقبال وحش اوووووي وبارد

وياريتها جت على كده

دول كمان اتجمعوا كلهم وكانوا بيحدفوا الرسول عليه الصلاة والسلام بالحجارة( الطوب)

لحد ما قدمه اتعورت جامد اوي وكان معاه زيد بن حارثه بيحاول يحميه
لحد ما في طوبة جت ف رأسه عليه الصلاة والسلام

 وفجاة لقوا بستان فقالوا ندخل نستخبى فيه

وف عز كل التعب ايلي هو فيه تعب نفسي وجسدي كان مش راضي يدعي عليهم عشان كان بيتمنى ان يطلع منهم ومن ابنائهم واجيالهم ( احنا) انسان مؤمن وتقي ( زينا كده الحمد لله هههههه)

تخيلوا حرصه الفظيييييييع على الاسلام وعلى رضا ربنا؟




طب فاكرين غزوة احد؟
اكتر موقف اتأذى فيه الرسول حبيبك عليه الصلاة والسلام
اسنانه اتكسرت ف عز الغزوة فنزل دم كتير منه
وف اللحظه دي ييجي كافر يضربه على الخوذة كده بالسيف فمن قوة الضربه الخوذة سقطت اكتر على راسه
والخوذه كان فيها سنان كده حامية اوي عبارة عن حديد عامله زي السكينه
الحديد دا دخل جااامد ف وش حبيبك عليه الصلاة والسلام

وبقى الدم بينزل من كل وجهه

وكل الصحابة يحاولوا يخرجوا الحديد من وشه مش عارفين خالص

لحد ما خرج بمعجزة على ايد صحابي خرجهم بسنانه ومن قوتهم اتكسرت سنان الصحابي دا وقتها

وف عز الم الرسول عليه الصلاة والسلام والدم ايلي نازل منه يقوم ويرفع ايده للسما ويقول ايه؟؟؟؟؟؟
اللهم اهدي قومي فانهم لا يعلمون

ايه داااااااااااا
بيدعيلهم بدل ما يدعي عليهم؟؟؟

بصي اكتر انسان ربنا بيحبه حصله ايه ؟؟
تفتكري ليه حصل كده للرسول عليه الصلاة والسلام اشرف الخلق وأحب انسان الى الله ؟؟
عشان ربنا يعرفك ويفهمك ان الاسلام غالي اووووووووووووي
عشان تتكسفي من نفسك
بصي الرسول حبيبك حصله ايه ؟؟ وحضرتك بتعملي ايه؟؟

الحديد دخل ف وش الرسول عليه الصلاة والسلام عشان الاسلام وانتي لحد دلوقتي مش قادره تصلي الفجر؟؟؟!!!!!!!!!!!!!!!!!!!!

أحب انسان لربنا واغلى انسان لربنا ف الدنيا والاخرة يحصله ايه
اتوجعتي ربع وجعه حتى؟
سواء وجع جسدي ولا نفسي ؟
حسيتي بربع الوجع ايلي رسول حبيبك حس بيه؟




يابنتي فوئي دا عمل كل دا وحصله كل دا عشان انتي تكوني مسلمه

لازم تفهمي ان اسلامك دا غالي عليكي اووووووي انتي اخدتيه بالساهل متعبتيش زي ما الرسول عليه الصلاة والسلام تعب ومع ذلك لحد دلوقتي بتفوتي صلاة؟؟





تخيلي نفسك دلوقتي قابلتي الرسول عليه الصلاة والسلام
تفتكري هيكون فرحان بيكي؟؟

طب سيبك من الماضي مع انه مهم اوي


خلينا ف المستقبل ( يوم القيامه )

بصي الرسول هيعمل ايه بقى عشانك عشـــــــانك فاهمه
اول مشهد من مشاهد يوم القيامه بعد ما ربنا يحييكي بعد الموت

كل البشرية هتكون واقفة ف مكان واحد
متخيله كل البشرية يعني مش مصر بس ومش الدول العربية بس ومش المسلمين بس
كل العالم كل المخلوقات
هنكون واقفين سوا ان شاء الله يوم بس بيساوي من ايامنا دلوقتي 50 الف سنه


ركزي يا بنتي
انتي هتعيش اد ايه اصلا
انتي متخيله 50 الف يعني ايه

مش 50 الف يوم ... لأ ..... سنــــة
وياريتنا هنقف مثلا ف مكان حلو

لا دا مكان زي الصحرا كده والشمس هتكون مركزة فوق دماغنا والحر طبعا فظيييييييييع

ياللي بتشتكي من الحر دلوقتي اومال لما تقفي 50 الف سنه والشمس قريبة منك اوووووووووي ومفيش لا اكل ولا مياه يعني المفروض نموت من العطش ومع ذلك مش هنموت

50 الف سنه واقفين محدش سائل فينا مش عارفين رايحين فين ولا جايين منين مرعوبين من الانتظار مش عارفين داخلين جنه ولا العياذ بالله نار بنزق ف بعض عطشانين جدا جدا وجعانين والعرق مغرق كل واحد فينا حسب ذنوبه بقى

 وف وسط كل دا نلف على كل الانبياء ونتحايل عليهم يشفعولنا عند ربنا عشان بس الحساب يبدأ

هنجري على سيدنا ادم اول واحد لكن هو يرفض
وبعدها نجري على سيدنا ابراهيم ويرفض وبعدها سيدنا نوح وموسى وعيسى وكلهم يقولوا نفسي نفسي

وف الاخر خالص نجري على سيدنا محمد عليه الصلاة والسلام وحبيبك يقولك انا لها انا لها

ودا نص الحديث: ((فيأتون فيقولون: يا محمد أنت رسول الله، وخاتم الأنبياء، وغفر الله لك ما تقدم من ذنبك وما تأخر، اشفع لنا إلى ربك، ألا ترى ما نحن فيه؟ ألا ترى ما قد بلغنا؟ فأنطلق فآتي تحت العرش فأقع ساجدا لربي، ثم يفتح الله علي ويلهمني من محامده وحسن الثناء عليه شيئا لم يفتحه لأحد قبلي، ثم يقال: يا محمد! ارفع رأسك، سل تعطه، واشفع تشفّع. فأرفع رأسي فأقول: يا رب أمتي أمتي. فقال: يا محمد! أدخل من أمتك من لا حساب عليهم من الباب الأيمن من أبواب الجنة، وهم شركاء الناس فيما سوى ذلك من الأبواب. والذي نفس محمد بيده إن ما بين المصراعين من مصاريع الجنة لكما بين مكة وهجر أو كما بين مكة وبصرى)).

ياحبيبي يارسول الله

ومش بس هيشفعلنا عشان يبدأ الحساب
لا دا كمان هيشفعلك لو كانت حسناتك اد سيئاتك هيشفعلك عشان تدخلي الجنه وهتدخلي

وهيشفع لكل ايلي هيدخلوا النار من المسلمين هيشفعلهم عشان ربنا يخرجهم من النار ويدخلوا الجنه

يعني حبيبك مش هيهدا غير لما يلاقي كل امته دخلوا الجنه
شوفتي هو بيحبك اد ايه؟


يتبع


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©