السلام عليكم ورحمة الله وبركاته
انا حلمت انو اجا واحد تقدملي وأسمو رائد من المغرب واسم عيلتو طويل مش متذكراه ومش متذكره كم عمره كمان لكن كان فرق العمر بيني وبينه كبير
وانا طبعا ما بعرف حد من المغرب اصلاً
انا ما وافقت لكن هوه اجبرني وقالي راح اتزوجو غصبن عني
وانا ما وافقت لاني كنت بستنى في واحد ... ليجي يخطبني (وانا بحبو بالحقيقه وبستناه كمان بالحقيقه لكن لسا عمري 15) ....
وانا رحت ابكي وهو اجى وصار يتطلع علي من الشباك وصار يضحك ولما شفتو طلعت ورحت اشوفو وانا معصبه وبدي ابهدلو
وبعدين اخذني على جهه ما فيها حد وانا كنت بدي اصرخ عليه بس هو حكالي كلمه مش متذكره شو هي
وصرت اضحك وصرنا نحكي وضلينا نحكي ونحكي وعجبني
وانا حبيتو كتير ورضيت فيه
وبعدين اجت صاحبتي وزوجها ( هي مش متزوجه في الحقيقه ) اجو على المكان الي كنا بنحكي فيه
اجو مستعجلين وزوجها اخذ ..رائد وقعدو يحفرو في الارض وطلعو جثة
وصارت صاحبتي تحكي لزوجها يجيب شي من الجثه ما بعرف شو هو
وبعدين سألت خطيبي قلت لو : انت الي قتلت الجثه ؟؟ حكالي : لا هو قتلها بس انا كنت بساعدو حتى يطلعها وهو بيضحك
وخلص الحلم ..
ارجوكم حد يفسرلي ياه... مدام نونا ؟
رد مع اقتباس
