عنوان الموضوع : (الكناري لو سمحتِ) .. حلم بوت بني- تفسير حلم
كاتب الموضوع : kamiliya
مقدم من طرف منتديات ايمازيغن


ده حلم قديم
============
حلمت اني في مناسبة لـ شيماء صحبتي وكنت اعدة وهي قامت ترقص هي ووحدة تانية وبعدين جتلي مكالمة من اختي رهام وكانت عايزاني اروح معاها نشتري حاجات وتزور قريبتنا (يارا) واتصلنا بحد مش فاكراه دلوقتي نقوله يجي عند بيت قريبتنا دي عند الجمعية الجديدة واتصلنا بقريبتنا نقولها ان احنا جاينلها.
وبعدين روحنا محل بنشتري بنطلونات استرتش تقريباً او حاجة كدة واختي اختارت كام واحد و الراجل قالها حسابهم 300 و انا كنت لسه بختار و بعدين كان صاحب المحل مهتم بيا زيادة و عمال يقولي بصي دي وبصي دي .. ووراني جهاز زي موبايل بيجيب اغاني (وائل كفوري) فأنا اعدت اتفرج على بوستراته لقيت مكتوب (شركة دوو) فقولتله ده هيبقى بلوكد (يعني مش بيشتغل الا على الشركة دي بس) ففي واحد تاني اللي جايب الجهاز قالي لا عيب عليكي ودي تفوت عليا ! واعدت ابص على لوجو الشركة وبعدين قولتله مش عايزة.
وروحت لبست شراب و جزمة مفتوحة من ادام وكعبها معقول وكإني كنت لابساها على جيبة قصيرة تحت الركبة بشوية!
وبعدين لقيتها كويسه وحلوة بس قلعتها و لبست بوت بني تاني ولبسته وكان كويس ومريح برده وصحيت
معلومات:
أنا: آنسة + 26 سنة + مواظبة عالفروض
شيماء: لسه متجوزة قريب و حامل دلوقتي (ربنا يكملها حملها على خير يارب)
اختي رهام: متجوزة و عندها بنوته
يارا: متجوزة و عندها بنت و ولد و عايشه في الامارات (و الجمعية الجديدة دي في الامارات كمان)
وشركة دوو .. دي شركة اتصالات محمول في الامارات
و انا بتمنى ربنا يجمعني بشخص معين .. بس لسه ربنا مأذنش و ربنا يعديني من الامتحان و الابتلاء ده على خير و يرجعهولي

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©