عنوان الموضوع : الـلـي تـعانــي من الــتـقــصــف تـتـفضــل .. لشعر جذاب
كاتب الموضوع : amira
مقدم من طرف منتديات ايمازيغن

الـلـي تـعانــي من الــتـقــصــف تـتـفضــل ..



السلام عليكم ورحمة الله ..

كيفكم بنات ؟؟ ان شاء الله بخير .. وكيف التقصف والتساقط والجفاف معكم ؟ كلوه تمام ؟ :027:

أنا يا حبيباتي شعري جاف وكثيف ( سابقاً ) .. بس آخر فتره قام يتساقط بشكل غير طبيعي .. يعني راح ثلثه ولله الحمد .. ومتقصف لآخر درجه لأن صار لي حول السنتين ما قصيته :014:

يعني بنات والله العظيم إني آخر فتره كنت أكره التسبح من كثر ما شعري يطيح وانا أتسبح .. وبعد الحمام وانا أمشطه يقعد يطيح ..

المهم خالي جاب لي سيريوم للشعر .. اللحين خلصت ربعه تقريباً .. اسمه Silky Serum ومكتوب تحته .. لعلاج تقصف الشعر .. فعال 100%

انا مثل ما قلت لكم شعري جاف .. وما يعتبر ناعم ولا خشن .. انتم صنفوه عاد

اللي لاحظته انه شعري خف تساقطه أثناء الاستحمام بنسبة 95% ..
ولكن لما أمشطه لازم يطيح طبعاً .. بس مو مثل أول .. يعني خف نوعاً ما ..
و حسيت انه فعلاً يطري الشعره وينعمها ..

أنا صار لي استخدمه 3 أسابيع .. أستخدمه بعد كل حمام .. مدري وش المفروض يعني هذه من عندي

فـ حبيت أفيدكم ان كانت وحده تعاني من تقصف أو جفاف .. ان شاء الله ربي ينفعها باللي نفعني به

وتراه جايبه لي من محلات نزيه .. ومكتوب خلف الكرتونه حقته

فوائد سيكلي سيريوم
يجعل الشعر ناعماً مثل الحرير ( مهوب مثل الحرير عاد ) ،
يساعد على تخفيف تقصف الشعر ويزيد كثافته . ينعم الشعر المتطاير :020:



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©