عنوان الموضوع : علاج ثعلبة لصحة شعرك
كاتب الموضوع : hamida
مقدم من طرف منتديات ايمازيغن

علاج ثعلبة



الموضوع لفت إنتباهي واستفدت منه كثير بتجاربكم العجيبة
حبيت أرد المعروف و كذا واذكر لكم تجاربي الطازجة

راح أتكلم عن الشعر ،، لإنه هو معاناتي الوحيدة من صغري ..
كنت أعاني من الثعلبة ولا زالت معي ، تقريباً أكثر من 20 سنة ،
تعبت معها تعبت بشكل جاب لي الكأبة ،
فجأءة تخف مني كثير ويكون شعري ولا أحلى ، كثافة و طول وانبسط عليه
وأحيان ترجع تنتكس حالتي لدرجة إني اغطي شعري بأطواق عريضة و كذا عشان الفراغات

أول تجربة لي و بديت فييها من أقل من شهر تقريباً
كنت أقرا في كذا منتدى عن علاج للثعلبة المزمنة مالقيت حل فعال ، وكلها مجربتهم
إلين وصلت لحل سحري سبحان الله ، من عضوة بأحد المنتديات جزاها الله ألف خير
كل ما أشوف شعري أدعي لها بالخير
هو عبارة عن خلطة زيت ، أستخدمته بس 4 مرات ، والنتيجة أكثر من مذهلة ،
والله فراغات شعري الملساء بدت تخشن وتطلع نتؤات شعر صغيرة ،، و بعض الفراغات اللي الشعر مهاجر عنها سنين رجع طلع لها بيبي هير
صراحة انهبلت يوم شفت النتيجة وقررت أستخدمه يوم و يوم
طبعاً غير الطول اللي لاحظته حالياً لإنه ماصار لي شهرين من قصيت شعري و مستحيل يطول كذا طبيعي خلال هالفترة البسيطة ماشاء الله
[IMG]طبعاً هذي العلبة اللي خلطتها ، و اسمحولي إني ما صورت الطريقة ، بس راح اذكرها لكم /

المقادير :
نبتة صبار ، حلبة حب ، و زيت نارجيل العلبة الخضرا

الطريقة :
اخذت نبتة الصبار و فتحتها من جهة وحدة من النص ،
طبعاً هي من جوا مادة لزجة كثيفة ، تاخذين الحلبة بدون غسيل وتنثرينها جوا الصبارة ، وخلك كريمة بالحلبة كثري منها ،، وقفلي عليها النبتة ،
وخذي قماشة نظيفة ولفيها فيها وحطيها بمكان جاف جوا البيت لا تعرضينها للشمس
واسقيها لمدة يومين موية ،، و طلي عليها كل شوي لين تشوفين الحلبة نبتت ..
يعني طلع لها براعم ،،
لا شفتيها كذا خذي الحلبة النابته و السايل تبع الصبار حكيه كله من جوا وكله على الخلاط ، واضيفي لهم علبة كاملة زيت نارجيل
اخلطيهم زين ، وحطيهم بقدر على النار وخليهم يسخنون عشر دقايق بس ،
واتركي الخلطة تبرد ثم حطيها بعلبة ، وكل ماجيتي تستخدمين خذي قد شعرك بكاسه وسخنيها وحطيها على شعرك دافية عشان تكون المسام مفتوحة

استخدميها يوم و يوم و ادعي لي


الشي الثاني برضو للشعر ،
لكن هالمرة شفت التجربة على شعر مرت أخو زوجي
ايش انفجعت لما شفت شعرها !!
تخيلوا قذلتها لين ذقنها ، و تقول بعد ما و ولدت طاحت نص قذلتها وصاير لها فراغات بشعه
المهم إن قريبتها وصتها على شي يبيعونه العطارين وارخص منه مافيه أتوقع بعشرة
شفتها بعد 3 شهور بس ، وشعر قذلتها صاير على طولين ، !!
الشعر القديم والشعر اللي نبت لها ، والله إن الشعر اللي نبت لها أكثر من قذلتها الطويلة ، خصل كاملة ماشاء الله طالعه لها
انهبلت قلت وشو مسوية بشعرك وشلون قاصته كذا ، !!
قالت هذا شعري الجديد
قلت من وشو تكفين انقذيني
قالت شي أسمه :
( زباد جامد )
ما صدقت خبر و رحت أقرب عطار و شريته
ريحته تصرع ، ريحة حوش خرفان [/IMG]منقول



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©