عنوان الموضوع : طريقتي الخاصه للتخلص من ... العنايه بالشعر
كاتب الموضوع : مريم
مقدم من طرف منتديات ايمازيغن

طريقتي الخاصه للتخلص من ...



السلام عليكم حبيباتي ....

كيفكم وش أخباركم إن شاء الله تمام...أكيد متحمسين
وتبغوا تعرفو عن ايش راح أتكلم ..

موضوعي عن ( القشـــــــــــــــــرة) إللي مجننه أغلبنا وياكثر ماجربنا في
ذي الخلطات من دون فائدة وفي الشامبوهات التجاريه اللي يدّعوا إنها
ضد القشرة وكله كلام فاضي ..

عاد مابطول عليكم وبقولكم على طريقتي الخاصه إللي أستعملها من حوالي تسع سنين
كل ماحسيت إن القشره حاولت تتجراء وتفكر إنها ترجع مره تانيه ..

والطريقه هي عباره عن :

_ زيت زيتون.. ( كميه تكفي لشعرك ) ..أنا عن نفسي أستخدم فنجال القهوه الصغير..
_ عصير ليمونه..
_ شامبو نيوزيرال.. (متوفر في الصيدليات)

تخلطي الزيت والليمون مع بعض حتى يتجانسو ودلكي فيها فروه الرأس تماماً أتأكدي إنك ماخليتي ولا منطقه من راسك..

وتترك على الشعر لمده ساعه إلى 3 ساعات بالكثير ..

بعدها غسلي شعرك بالشامبو وخليه لمده 5 دقائق قبل شطفه
وإللي شعرها جاف تقدر تستعمل بلسم للترطيب..

وتكرري الطريقه مرتين في الأسبوع لمدة أربعه أسابيع فقط ..
(يعني ماتستعمليها عالطول لأن الشامبو عباره عن دواء ماينفع تستمري عليها أكثر من كذا)..

وصدقوني راح تختفي القشرة لعدة شهور < ماراح أكذب عليكم وأقولكم مدى الحياه ..
لأننا طبعاً مانستغني عن السشوار ولا المستحضرات الكيمائيه إللي لها دور أساسي في ظهورها >..

وتقدري تعيديها أول ماتحسي إن القشرة رجعت,, كمان لمدة أربعه أسابيع وتوقفي ..

وإللي تجربها لاتنسى تدعيلي دعوة صادقه في ظهر الغيب إن ربنا يحقق لي إللي أتمناة..
ولا تحرموني من رددكم العطرة ..



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©