عنوان الموضوع : الغريف =البغرير = على طريقتنا من اعدادي - معجنات و اطباق رئيسية
كاتب الموضوع : admin
مقدم من طرف منتديات ايمازيغن



اخواتي العزيزات ان شاء الله تكونو في احسن حال
حبيت نجيبلكم اليوم الغريف نتاعنا اللديد والهش ومن اعدادي =احم احم احم = ههههه
هدي صراحة ثاني مرة نجربو لكن المرة لي فاتت كان بالميكسور اما هاد المرة عجنتو بيديا =زعمة فحلة =هههههه
اما الطريقة فسهلة لانو اصلا يتخدم بالميكسور او يمكن الباتور او باليد عادي
2 كيلات سميد وكيلة فرينة و ملح وم ك خميرة المطلوع وباكي خميرة القاطو و2 بيضات و و سكر وفنجال زيت وماء دافي
اولا نبلل العجينة شوية ثم نديرها في الميكسور ونخلط مع اضافة الماء تدريجيا حتي تولي في قوامها المطلوب لي كامل نعرفوه ونخليوه يطلع عادي ونطيبوه عادي واكيد راح تلاحظو الفرق بينو وبين العادي هدا يكون اخف والد اكثرررررررررررر
اما ادا ما عندكش الميكسور عادي انا درتو بيديا نخلطو المقادير الجافة ثم الزيت ونحكو بين يدينا نديرو شوية ماء ثم البيض لانو كون نديروه طول قبل الماء راح يتكتل ويتعبنا في الخدمة ...اما الباقي نعرفةه كامل
اسمحولي على رداءة الصور والتقديم جات صحبتي وكنت مزروبة فحطيتو بالزربة وصورتو ثمثم لدلك اسفة















[IMG]://www.marocimages.net/images/a7e0yqeljcmtuawzcint.jpg[/IMG]

هيا اخواتي نتمنى يعجبكم راني مبتدئة برك ما تعلقوش عليا هههههههه
نتمنى تجربوه لانو اسهل والد من العادي
سلاااااااااااااام



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©