عنوان الموضوع : بسبوسة كالاسفنج - أطباق جزائرية
كاتب الموضوع : inzou07
مقدم من طرف منتديات ايمازيغن

بسبوسة كالاسفنج


مقادير هده البسبوسة التي اعتدنا عليها
علما انو الكاس المستعمل يهز ربع لتر حليب
*5 بيضات كبار
*كاس زيت
*كاس سكر
*كاس حليب
*باكي خميرة تاع 10غرامات(نوارة)
*4 كؤوس سميد عادي
*فانيلا او عصير ليمون او zeste
*العسيلة
الطريقة
كانك راح تحضري تارت افصلي صفار البيض على البياض و اخفقي البياض كالثلج مع نصف او اقل من كمية السكر و اتركيه جانبا
-اخفقي الصفار و باقي السكر جيدا
-اضيفيلهم الحليب و الزيت و الخميرة و السميد و خلطي مليح راح تجيك الخلطة جامدة شوية
-بملعقة فقط اضيفي بياض الثلج برفق للخليط على 3 خطوات راح تتحصلي على خليط اسفنجي...صبيه في مول مدهون بالزيت و حطيه في الفرن..
-في هدا الوقت حضري العسيلة... و كي تخرج من الفرن اسقيها و قطعيها معينات او حتى مثلثات يجو باهيين.........و صح ليكم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©