عنوان الموضوع : العصبان من مطبخي - طبق جزائري
كاتب الموضوع : kouka
مقدم من طرف منتديات ايمازيغن

صح عيدكن وكل عام
وانتن بخير حبيباتي
الان فقط كملت العصبان صورت اهم المراحل واتمن ان يعجبكن
اولا العصبان مكوناته الاحشاء وقطع من الكبدة والرئه والقلب
نغليهم في الماء لمده 15 دقيقة فقط لانه من بعد راح نعاودو نطيبوه في صوص وادا طيبتيه كثير راح يوليلك الخليط كتله واحدة مثل العجينة
نصفيهم من الماء ونقص الاحشاء باليد او نفتتهم بالربو اي ما نخليشو يرحيهم كامل
اما الكبدة والرئة والقلب نقطعهم مربعات
انا استعملت الربو والي تحب تقطع بيدها
المكونات كما تظهرفي الصورة
بصل علي فكرة العصبان يحب كثير من البصل
ثوم
معدنوس مقطع
فريك
نستعملو الفريك بدل الارز لانه يعطيه بنة وما يبانش في وسطه كي يطيب بهارات فاح فلفل اسود كركم زنجبيل طماطم مصبرة وهريسة وملح العصبان ما نحطش فيه الزيت لان الاحشاء فيها الشحم وكي طيبيه راح يزيد يسيبلك الايدام


نخلط جميع القادير باليد مثل الصورة



نعود للكرشه بعد ما نضفها مليح نقصها نفصلها بهدا الشكل ونخيطوها


ثم نقلبوها ونعمروها بالخليط ونخيطوها بهدا الشكل





ثم نعملو فيه ثقب بالابرة
وهدا شكله النهائي


للعلم العصبان عندنا نطيبوه غير مع الكسكسي
وان شاء الله كي نطيبوا نوريلكم الطريقة
اسفة الصور غير واضحة مليح لانها بالهاتف

ها هو رابط الكسكسي كما وعدت
http://imazighen.univanet.com/showthread.php?t=1129264



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©