عنوان الموضوع : شخشوخة السيار بالمرقة كيما وعدتكم وبالخطوات المصورة - اكلات جزائرية
كاتب الموضوع : hanan
مقدم من طرف منتديات ايمازيغن



صح عيدكم كل عام وانتم بخير

كيفكم الاخوات ان شاء الله عيدتوا بخير

كيما كنت وعدتكم بمرقة الشخشوخة تاع السيار توخرت شوية عذرا رحت للجامعة كي جيت قاتلي ماما خلي كي يجي لعيد نديروها

مالا هي دير فيها وانا واقفتلها فوق راسها هيهيهيهيهيههيهيهييي

نبداو على بركة الله

هي تصلح بالدجاج مي كي جات فالعيد نديروها باللحم تاع الجاج تجي بيضة نزيدو نحمرولها الدجاج فالاخير ياااامي

المقادير

لحم +بصلة +طماطم +زيت +زرودية+حمص +ملح +فلفل اكحل + فلفل احمر مرحي +قرفة +شخششوخة السيار والباقي تعرفوه من الطريقة


نبداو نحطو اللحم



نزيدو البصل والزيت والملح والفلفل اكحل والهريسة


ونحطوهم يتقلاو مليييييييييييييح



من بعد نزيدو الطماطم



الحمص


والزرودية ونقلييو ملييييح



نمرقو ونخليو لحم طيب


نزيدولها طماطم مصبرة كي نمرقو وفلفل حار فلفل احمر مرحي وقرفة




من جيهة نجبدو الشخشوخة تاعنا لي درناها وخليناها تنشف من بعد خبيناها

للي ما شافتش الطريقة هاو ليكم الرابطد

http://imazighen.univanet.com/showthread...E1%D3%ED%C7%D1



نحطولها الزيت ونفوروها





كي تفور نزلوها نرشوها بالماء ونخليوها تنشف من بعد نحطولها الزيت ونعاودو نرشوها





كي تفور نزلوها نحطولها شوية زبدة ونرشوها بالمرقة باش تدي بنة المرقة هاذي لي موالفة حكيت للبنات عليها





نخليوها تنشف (باش ما تتعجنش ) ونحطولها زيت ونفوروها مرة ثانية



من بعد كي تفور نحوها وندهنوها بسمن



هاداك هو تكون المرقة وجدت




نسقوها ونقدموها





بالصحة والعافية


كلمة شكر ودعوة في ظهر الغيب تكفي



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©