عنوان الموضوع : أضيفي,لمسة,سحرية,لطبق,طاجين,الزيتون - من مطبخي
كاتب الموضوع : مريم
مقدم من طرف منتديات ايمازيغن

بنات المنتدى الغالي السلام عليكم

اليوم جبتلكم وصفة ساهلة ماهلة و ناجحة مية بالمية

و الله ما تندمي اذا درتيها

خاصة مع طاجين الزيتون يجي يهبل
روووووووووووووووووووووووعة

المهم,,,

طيبي الزيتون عادي ,, بالطريقة اللي موالفة ديريها

بصح زيديلها شوية مرقة ,, يعني ما تنشفيهاش

باش كي تحطيها مع الروز يتشربا و يجي بنيييين

المهم:

طيبي الروز كي العادة:2كيلات ما في 1 كيلة روزو ملح و زبدة

و خليه يطيب على نار هادية

كي يطيب خليه بجانب

و حطي مقلة+++من الاحسن تكون بغطاها+++ فوق النار و ديري شوية زيت و فرغي قد كاس شوربة عادية ,,, يقولولها السوريين شعيرية

على نار متوسطة اقلي الشعيرية و حمريها مليح ما تغفليش عليها قعدي غير تحركي فيها حتى تتحمر مليح

كي تتحمر انزعيها من على النار

و فرغي عليها الروز اللي وجدتيه لازم يكون سخون

خلطيهو مليح مليح و ضيفيلهم شوية ملح و شوية حبة الطيبة ماشي مرحية لازم تكون حب

و خلطيهم مممممم تشمي وحد الريحة هاااااااية



و للتزيين انتي و طريقتك ,,, تحبي تديري الروز فالوسط و مرقة الزيتون حوله

و لا العكس

نخليك مع الصورة





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©