عنوان الموضوع : رايحة ندير هاذو لنافس مغتربة زيدو دبرو عليا واش نزيد او نبدل - اكلات جزائرية
كاتب الموضوع : chahinez
مقدم من طرف منتديات ايمازيغن

لبنات انا مغتربة و كاينة وحدة مغربية رايحة تولد و الحق ماعنديش علاقة كبيرة بيها لكن كي زيدت بوليدي جات و جابتلي ماكلة و لبسة و انا جديدة و ما نعرفش الناس يعني لقيتها في وقت احتجت صح للناس
راني رايحة نديرلها
كبدة مقلية و بسيسة بالعسل و المكسرات نديهملها للسبيطار
و كي تروح للدار نديلها
ميلفاي باش تفطر
شربة فريك بلحم الخروف او فارميسال بيضا بالجاج و الكفتة
شخشوخة بسكرية بدجاجة كاملة من بعد نحمرها و نديرها من فوق
خبز الدار
سلاطة منوعة
فلان كاراميل لبنتها
و الفاكهة و العصير
واش رايكم و قولولي كاش اقتراحات لاني مانعرفش واش هوما الماكلات لي يديروهم للنافس يخي هاذو نورمال ليها ما يضروش البيبي و خاصة ناس الغرب بحكم انهم قراب للمغرب

جزاكم الله عني و عنها كل خير



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©