عنوان الموضوع : خبز بالياغورت الطبيعي خفيف كالقطن - اكلات جزائرية
كاتب الموضوع : inzou07
مقدم من طرف منتديات ايمازيغن

السلام عليكم اخواتي


جبتلكم اليوم نوع من انواع الخبز اكثر من رااااائع خفيف وهشوش مناسب لكل الايام و ممكن نعمله في شهر رمضان الكريم اذا كان في العمر بقية مع الشربة في مكان المطلوع هكذا نوع في الخبز

راح نستعمل فيه الياغورت الطبيعي وعلبة الياغورت هي لي نستعملها في المكيال يعني مانحتاجش ميزان هكذا يتسنى للجميع تطبيقه

http://

المقادير

كما سبق وقلتلكم العلبة المستعملة هي علبة الياغورت فارغة

2 علب ياغورت طبيعي
علبة زيت
علبة حليب دافيء
م ك سكر
م ك خميرة الخبز
باكي خميرة كيميائية
ملح
فرينة حسب الحاجة

الطريقة:

http://


نخلط جميع المقادير باليد ونضيف الفرينة تدريجيا حتى نتحصل على عجينة ظرية راح نحتاج حوالي من 500الى 600غ على حسب نوع الفرينة
نعجنها لمدة 15د


http://


نغطيها ونخليها حتى يتضاعف حجمها

نشكلها حسب الرغبة اما خبيزات صغار او كبار نغطيهم ونخليهم يختمرو للمرة الثانية

http://

ندهنها بصفار بيضة مع شوية حليب وقطرات خل ونرش عليه الجلجلانية او السنوج

http://


ندخلها لفرن مسخن مسبقا على 200د حوالي 15د حتى ياخذ الخبز اللون الذهبي

هذا شكل الخبز بعدما طاب


http://

صدقوني راه خفيف كالقطن

http://


هذا شكله من الداخل

http://


http://

انا قدمته مع طبق الكفتة اممممم ولا اروع

http://

http://


نتمنى تجربوه واكيييد راح يعجبكم باذن الله

دعوة خير تكفيني انا وعائلتي ولكن بالمثل

ملاحظة:

هذا الكمية عملتلي 4خبزات مثل لي في الصورة

في امان الله



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©