عنوان الموضوع : تحلية بالبرتقال - العصائر و التحليات
كاتب الموضوع : kamiliya
مقدم من طرف منتديات ايمازيغن

هاذي تحلية خفيفة ان شاء الله تعجبكم
المقادير و التحضير مع بعض **
اولا نحضر الكريم شانتيي 80غ مع كاس حليب بارد جدا من الثلاجة نصب الحليب غير بالشوي ممكن نستعمل اقل
من كاس لاني نحبها تكون ثقيلة ومتماسكة ونضيف ليها 2 مغارف سكر ارتب ونحطها في الثلاجة لوقت الحاجة
نحضر جيلي البرتقال ب 4 كيلات عصير برتقال + 1 كيلة سكر عادي+ 1 كيلة نشاء نخلط كلشي في البارد
ثم نمرر في الصفاية بش نتخلص من اي كتل تاع النشاء
ونحط على النار ونخلط دون توقف حتى يخثار او يثقال الخليط نحي من النار ونضيف البرتقال المقطع ونخلط
ونخليه يبرد انا استعملت برتقالو واحدة خليت منها شوي لزينة والباقي قطعت ورميت في الخليط
ونحتاج 3 حبات قاطو اي نوع تحبي نضربهم بالحلال باش ندشدشهم شوي ماشي مرحي خلاص
نحضر الاكواب ونحط لاشنتيي ثم شوي قاطو مدشش ثم شوي جيلي البرتقالثم لاشنتيي ونزين بقطع البرتقال
او انت حرة تزيني كيما حبيتي اترككم مع الصور














وهذا العصير لي استعملت والفنجان لي كيلت بيه والقاطو لي استعملت




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©