عنوان الموضوع : المقرقش [ مذّكر مقلي ] ♥ - أكلات جزائرية مجربة
كاتب الموضوع : kamiliya
مقدم من طرف منتديات ايمازيغن

السلام عليكم ورحمة الله وبركاته

في هاذي العشية كنت خويانة خخخ ، خمّمت ندير لمقرقش [ مذكر مقلي ]، وانا نشتيه ياسر خير من القاطو بالنسبة لييا ^^

المهم قلت نصورلكم كفاه نديروه في دارنا

انا لي طيبتو هااه هععْ زعما نزوخ بحاجة ساهلة

المهمم :

المقادير: [ درتلو مقاادير هههه راه حاجة كبيرة ]
دقيق خشين [ سميد ]، قرصتين ملح، كاس زيت هكذاك حسب الكمّية، الماء للعجن ^^

نشكلو جبل تاع سميد ونديرو حفيرة في الوسط خخ ونديرو فيها الزيت



ومن باعد نديرو السميد فوق الزيت باه السميد يشرب الزيت كاامل



وكي تحسوا بلي خلاص راه السميد شرب الزيت بسّوه بايديكم حتى يكون هكذا





وضرك يجي دور الماء، نجملوه بالماء كما هاك حتى وتترخف العجينة راها مع الدلك تتحكم وتكون ولا أروع



نقسمو العجينة لقسمين، باه خطرا خرا كي نجو نعجنوها ونقطعوها لكاريات لازم تجي رقيقة، لأنها رايحة تتنفخ في المقلاة



نحكمو نصها وندورها مسقّسم كما هاك



نقرصوها كما هاك وبطبيعة الحال الحواف ميكونوش معدولين ياسر خطرانش العجينة راها مبسّة



نقطعو لعجينة كاريات ومعليش كي يعودو مش متساويين



ومن باعد نلوحوهم بكلّ هدوء في المقلاة تكون فيها زيت حاامي ياسر



وهذا هو الانتفاخ لي قتلكم عليه ^^



وباعد هكذا نخرجوهم بكلّ هدوء ثاني ههع هع هعع، ونقطروهم من الزيت مليح مليح

ويكون جاهز للتقديم





الفوقانية كامل خرجتلي شكل قلب ♥

ايا تاكلوه بالصّحة والهناا مع انو بسيط بصح زييينْ وسيرتو كي عاد من عندي ههههههههههه

تحياتي









©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©