عنوان الموضوع : 'قــــاطــو الغــــريــــبـــية ـــــــــ وبالصورــــــــ للعيد''''' - جزائري
كاتب الموضوع : khouloud
مقدم من طرف منتديات ايمازيغن

السلام عليكم ورحمة الله وبركاته
ان شاء الله تكونو كامل بخير عليكم
خدمة قاطو الغريبية بالنسبة ليا انا بطريقة جديدة واقتصادية جا خفيف وزاكي وبنين
حبيت نفيدكم بيه عارفة العيد على الابواب

المقادير نتاعو:
3 كيلات فرينة( مقدرة ب 350 غ او 3 كيسان - كل مغرف اكل كبيرة تقارب 25 غ للي ما عندهاش الميزان)
كيلة سكر رطب (100 غ )
كيلة مخلطة بين سمن وزيت (ما يقارب كاس نتاع الاينوكس)
مغرفة فاني
و 6 مغارف جنجلانية محمصة

نخلطو الحوايج الناشفة كلها مع بعض
وبنداو نعجنو بكاس الزيت والسمن المذاب يكون بارد
حتان نتحصلو على عجينة تقدري تقولي متماسكة لانها مادامها معجونة بالزيت برك رح تبقى تتفتت



بعد ذلك نحلوها بالشوية بالحلال ونستعملو شوي فرينة وساعة ساعة نريقلوها باليد حتان نتحصلو على سمك يكون متوسط تقريبا 2 سم
نقطعو الشكل اللي نبغوه
ونرشقو فيه لوزة او حبات بيسطاش

بعد ذلك ندخلوه للفور يطيب بشرط نكونو مقابلينو يطيب مليح من الاسفل ومن فوق يبقى شوي ابيض على زهري
كي يطيب نغطسوه على الجوانب في المعجون
ونلهوثوه على الجنجلانية


وعلى جنب كل حبة نغطسوها في لامعجون مرة تانية ونحطوها في بيسطاش مرحي

هذا شكلهم بعد الانتهاء من التزيين
وهذا الشكل النهائي





كيما تقولها ام ندوش زوووووووووووم


نتمنى انه يروقلكم ويعجبكم




منقووووووووووووووووول



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©