عنوان الموضوع : طلب من فضلكن - قاطوات الجزائر
كاتب الموضوع : hanan
مقدم من طرف منتديات ايمازيغن

السلام عليكم اخواتي أنا عضوة جديدة منذ أشهر و أنا نحاول نسجل و اليوم وفقت باذن الله المهم راني نشكر كل وحدة من أخواتي اللي راح يقراوا طلبي المهم مانطولش عليكم كنت في عرس و حطولنا قاطو عجبني برزاف راح نوصفو شوي ديول على شكل سيقار لكن نظن دوروه على مول سيقار و هو محشي لكن ما تضحكوش عليا نظن في الحشوة كانو دايريين بودرة الحمص المهم الحشوة كلش فيها مرحي رقيق خاطرش ما شفتش فيها مثلا لوز مهرمش و مبعد مغبرينه في السكر الرطب sucre glace المهم اخواتي اللي تعرف الوصفة تمدهالي من فضلكن و ربي يحفظكم ان شاء الله .



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©