عنوان الموضوع : أخيرا ..حلوياتي لعيد الفطر المبارك 2015 - قاطوات جزائرية
كاتب الموضوع : chichaki
مقدم من طرف منتديات ايمازيغن

السلام عليكم
صحا عيدكم وكل عام وانتو بالف الف خير اخواتي وحبيباتي
هدا وين كتب ربي ندخل للمنتدى ونحط الحلويات اللي عملتهم للعيد وحبيت نشكر كل اخواتي وحبيباتي لي بعثولي رسائل خاصة وسقساو عليا وعلى سبب غيابي ونقلهم انا تاني نحبكم بزاف بزاف وربي يعلم وراني ماعنديش صلاحية الرد على الرسائل الخاصة وحبيت نقلكم بلي تمنيت نكمللكم المونيهات اللي بديتهم معاكم في رمضان لكن آخر مرة كنت نصور فيها زلقت آلة التصوير من يدي وتخسرتلي ويا حسرتي غاضتني بزاف لاني جبتها معايا من السعودية وبما انها نوميريك ماكاش اللي يصلحهم هنا في ولايتي
وزيد الكونترا نتاع الانترنات كانت خلاصت وغير اليوم وين رجعناها
المهم نخليكم مع الحلوى اللي عملتها للعيد واعتذر عن رداءة الصور لاني عملتها بالبورتابل

مقروض كي العادة عملتو انا وعجوزتي



قطايف عش البلبل محشية بالشانتيي والبيستاش








قاطو محشي بالكريمة بصراحة من اختراكي ساهل ماهل وبنين وزيد اقتصادي بزاف بزاف






كعيكعات مسكرة باللوز دوقها روعة روعة وغير مكلفة







كروكي بطريقة ماما سبق وحطيتهولكم



قاطو بارد وعملتو بشكلين ومن الداخل محشي بكويرات من حلوة الترك












هادو اللي خديتهم لماما وبابا




وهادو اللي عملتهم سلفتي وجابتلي لابار نتاعي واللي هو مقروض الغربال وخبيزات الورد راهم عملوهم في قناة سميرة باللون البرتقالي وسابلي على شكل مستطيل مغلف باللوز ايفيلي وسكر قلاصي وكويرات مغطوسة في المعجون والنواد كوكو ومزينة بوردات من عجينة اللوز






نتمنى تنال اعجابكم واي وصفة عجبتكم راني في الخدمة





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©