عنوان الموضوع : جديد عندي غير لجديد قاطو بيمو - حلويات جزائرية
كاتب الموضوع : chahinez
مقدم من طرف منتديات ايمازيغن

قاطو ساهل وبنين نتمى انشاء الله تجربوه نخليكم مع مقادير
نكيلي باي حاجة نتي والكمية لحبيتيها اول حاجة كيلة سمن ذائب + كيلة حليب + نصف كيلة سكر ارطب + حبة بيض + فاني + فرينة تلمي بيها العجين
الحشو : نواد كوكو + معجون + عصير حبة قارص او كاوكاو + معجون وعصير حبة قارص
التحضير : تخلطي جميع مقادير العجين حتى تتحصلي على عجين طري تخليها ترتاح ربع ساعة ثم ابداي العمل نتاعك حلي العجين بالحلال شكلي دوائر ديري الحشو في الوسط ثم رولي على شكل هلال مثل طريقة التشاراك كي تخلصي العجين نتاعك دخليه يطيب في الفرن كي يطيب تكوني وجدتي قاطو بيمو مرحي باط من الاحسن كي تشري قاطو بيمو اشري باط لي لونو ازرق لانو الازرق مذاق نتاعو بنين وتكوني موجدة لعسل اغطسي حبة القاطو في لعسل مخلط مع ماء الزهر ومبعد مرمديه في قاطو بيمو مرحي ارطب متتصوروش واش المذاق نتاعو بنين بالنسبة للمكيال لي كيلتي بيه مهما يكون الحجم نتاعو حبة البيض موجودة سواءا كان كاس او طاوة او اي حاجة استعملتيها نتمنى انشاء الله تكونو فهمتوني اذا مفهمتوش انا في انتظار اي سوال وشكرا في انتظار الرد منكم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©