عنوان الموضوع : حلوى معمولة بالقوفريط ... جد لذيذة .. من مطبخي - قاطو جزائري
كاتب الموضوع : inzou07
مقدم من طرف منتديات ايمازيغن

السلام عليكم
وصفة أخرى عملتها من حلويات العيد هذه السنة
الله يعيده علينا بالصحة والعافية
خرجت تهبل كانت فكرة أمي الله يحفظها ويخليها لي
قاطـــــو بالقوفريـــــــط
-------------------
المقادير :
250 غ زبدة
1 بيض
قرصة ملح
ملعقة سكر
ماء زهر
دقيق
-------------------
طريقة التحضير :
ذوبي الزبدة وبنفس العلبة كيلي 3 فرينة وبسيها مليح
زيدي حبة بيض مخفوقة + قرصة ملح + مغرف سكر
زيدي ماء زهر بقدر ما تتلمد العجينة
خليها في كيس ترتاح 10 دقائق
من بعد روليها وحطيها في قوالب مربعات صغيرة كيما في الصورة




ودخليها للفرن وما تخليهاش تاخذ لون بني فاقع يعني طيبيها مثل ما في الصورة




-------------------
الحشوة :
قابصة قوفريط ارحيه + مربى مشمش + عسل
حتى تتماسك أنظري للصورة



حطي الحشوة في كلتا الجانبين وأغلقي يعني لازم تكون محشية مليح مثل ما في الصورة



-------------------
التزيين :
والآن غطسيها كامل في شيكولاطا سوداء النوعية وخليها تنشف على شبكة هكذا



-------------------
الشكل النهائي :
وأخيرا زينيها كيما تحبي أنا صنعت أزهار صغيرة بأوراقها وخرجت كيما في الصورة :

أتمنى تجربوها وتعطوني رأيكم
بالتوفيق





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©