عنوان الموضوع : سلطة باذنجاان حكايه ولا تقولى مخلل ولا عم غنوج - وصفة من مطبخي
كاتب الموضوع : inzou07
مقدم من طرف منتديات ايمازيغن

السلام عليكم يا حلوين

عاملين ايه خلاص شعبان بيجرى و كلها ايام و نكون رمضان

بعوده الايام و كل سنه و انتم طيبين

اليوم كنت بعمل الغدا و بعد تفكيير كتييير قولت هعمل قرنبيط طيب جنبه ايه مع العلم القرنبيط ده لما بيتعمل فالبيت هوو لوحده كفايه لانه بالنسبه لهم فاكهه و بيحبووه جدا

كان عندى 2 باذنجان قعدت افكر
اشويهم و اعملهم بابا غنوج ولا اشويهم و اعملهم بالطماطم و الشطه و التوم و الليمون ولا احمرهم حيروووونى


فالاخر قطعتهم مكعبات و و حمرتهم و حطيتهم على كلينكس

و جبت طبق صغنوون قد بتوع الشوربه و حطيت فيه :
ملعقه توم مهروس
ملعقه فلفل احمر بعملو فالكبه و احطو فالفريزر و زيها فلفل حامى بردو فالكبه و محطوط فالفريزر
و ليمونه كبيره او اتنين معصورين و ملعقه خل
و البهارات :

ملح و كمون و بابريكا
و قلبتهم و جبت طبق حطيت مكعبات الباذنجان و عليهم التتبيله و قلب و جبت خضرة شبت و بقدونس قطعتهم و حطيتهم عليه و كمان طماطمايه قطعتها صغنووون و قلبتها معاهم

و ادى النتيجه

سلطة باذنجاان حكاية ولا مخلل بقى ولا بابا غنوج

اعذرونى مصورتش كل الخطوات لانى مكنتش مفكرة هتطلع حلوه اوى كده و اقولكو عليها

و لو عجبكم يا حلوات التقيييييييم او رد صغنووون


منقوول للامانه


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©