عنوان الموضوع : طريقة حلوة لتخزين الليمون- أفكار 2015
كاتب الموضوع : مريم
مقدم من طرف منتديات ايمازيغن

انا كنت مرة بشوف حلقة للشيف الشربينى عن تخزين الاكل
وبهرنى بقا بطريقة تخزين الليمون
لانى كنت بجيب مثلا الربع كيلو يدوبك كام يوم ميلحقش يكمل اسبوع حتى ف التلاجة ونلاقيه نصه ضرب واصفر وبقا وحش اوى
ونرمى ونجيب غيره اخضر
وهكذا ناخد منه كام واحدة ونرمى الباقى

..
خزنى مثلا كيلو وقت ما يكون رخيص وهو دلوقت رخيص فى الاسواق على ما اظن لان بيجى اوقات بيبقى ضعف تمنه وطبعا كل ما يبوظ بتجيبى غيره


الطريقة بقا ياثيمازيغين

تجيبى اى كمية انتى بتستخدميها ربع او نص او كيلو حتى بس بلاش تزودى عن كدا افضل
وتسيبيه ناشف زى ما هو مش تغسليه
وتجيبى ورق زبدة. هنلف فيه الليمون
بس مش كل الليمون ترميه كله فى ورقة وتلفيها وخلاص ههههههه لالالالا دا احنا هنلف ليمونة ليمونة

و انا باقطع الصفحة الواحدة مثلا 8 اربع متكونش الورقة صغيرة اوى عشان تعرفى تلفى فيها الليمونة وتبرميها من الجهتين زى الشكل التوفى كدا

و بعدين هنجيب علبة بلاستيك بتتقفل كويس عشان ميدخلش لها مية
و خدوا بالك من دا كويس ورق الزبدة انه بيمنع رطوبة التلاجة مياثرش على الليمون ولو دخل جوا العلبة مية الليمون اللى هيطوله مية هيضرب
والافضل كل شهر نطلع الليمون من العلبة كل فترة نهويه ساعة كدا زى ما هو بالورقة مش نطلعه من الورقة ولا حاجة
وبعدين ندخله العلبة وندخلها التلاجة

هو بصراحة الشيف الشربينى بيقول الطريقة دى تخلى الليمون زى ما هو لحد 6 شهور
بس انا شايفة المدة كبيرة اوى كفاية اربع شهور مش اكتر وبعدها نجيب كمية تانية ونعملها تانى

ملحوظة منى :
لو هتجيبى كمية كبيرة كيلو مثلا
لما تغلفى الليمون وتجى تعينيه فى العلبة متحطوش اى حاجة وهايش كدا هتلاقى ربع كيلو ملوا علبة كبيرة لانه هايش لكن رصيه كويس وزنقيه واملى الفراغات هتلاقى الكيلو اتحط كله

..
الطريقة دى هتريحكم اوى هتجيبوا الليمون كل فترة وهتنسوا تروحوا تشتروا تانى
ياريت التقييم يا بنات
عشان كله يستفيد واهو توفير فى مصروف بيت بدل ما كل شوية الليمون يبوظ وتشتروا غيره

اللى تجرب الطريقة وتعجبها تدعيللللللى
ربنا يبارك فى زوجى واولادى

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©