عنوان الموضوع : نجرسكو بطريقة الشيف شربيني - وصفة من مطبخي
كاتب الموضوع : kamiliya
مقدم من طرف منتديات ايمازيغن

نجرسكو بطريقة الشيف شربيني نجرسكو من مطبخي طريقة عمل النجرسكو
النجرسكو من مطبخي بالصور والتفصيل الممل


صباحكم / مساكم فل يا ثيمازيغيني
النهارده جيبالكم اكلة تحفة ولذيذة والكل بيحبها النجرسكو انا الاولاد عندى بيموتوا فيها. يالا علي المقادير والطريقة


كيس مكرونة اسباجيتي
لتر لبن
خلطة بشاميل
ملح / فلفل / سماق بهارات
بصلة مفرمة
بسلة ( اختيارى)
فراخ اما مسلوقة ومتقطعة او بانية
جبنة رومي مبشورة
بيضة

الاول انا كان عندى ربع فرخة وحوالي 3/1 كيلو بانية سلقتهم عادى مع ملح وفلفل وورق لورا طبعا البانية استوى خالص اما الفراخ كانت حوالي 4/3 سوا وحنكمل سواها مع البصل والبسلة.
نسلق المكرونة ونشطفها ونسيبها دلوقتي شوية

وبعدين نجيب مقص اللحوم ونقطع الفراخ والبانية مكعبات لو بالسكينة حالاقيها منتشة معاكي علشان بتتقطع عكس اتجاه اللحوم

وبعدين ادبل البصل بالمنظر ده

واضيف ليها الفراخ واديها تقليبة

واضيف البسلة

واضيف لهاالبهارات ( الملح الفلفل السوماق )ربع كوب ماء واسيبها تتشرب

وفي الوقت ده نعمل البشاميل 4 ملاعق من خلطة بشاميل ماي واى علي لتر لبن ونقلب علي البوتجاز لحد ما يبقي بشاميل خفيف واضيف بيضة واحدة.
ونضع المكرونة في طبق عميق ونضيف لها الفراخ بالبسلة ونصف البشاميل ونقلبهم كويس جداً


ونفردهم في صينية مدهونة سمنة

واحط ياقي البشاميل علي الوش ونجيب الجبنة الرومي انا بجيبها قطعة واحدة مش متقطعة بالمنظر ده وابدأ ابشرها علي الوش


واحطها في فرن ساخن حتي تستوى وتاخد اللون الذهبي الجميل

الكمية دى هتكون كتيرة علي الاولاد ليوم واحد فلازم احفظ الباقي يتقطع بالمنظر ده ويوضع في طبق فوم

واغلفها بكيس نايلون وعلي الفريزر عدل
ويوم ما احتاجها اطلعها من الفريزر قبل النزول للشغل ولما اجي احطها 3 دقائق في الميكرويف وبالهنا والشفا
يا رب تكون الطريقة واضحة وسهلة ليكم


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©