عنوان الموضوع : تجربتى الشخصية - جمال المرأة
كاتب الموضوع : chichaki
مقدم من طرف منتديات ايمازيغن


أزيكم يا بنات يارب تكونو فى أتم صحة وأحسن حال
اللى هقولو ليكم ده من تجربتى الشخصية
1:انا بستخدم غسول للبشرة جونسون هو لكل انواع البشرة وانا بثق فى حاجات جونسون لانها اصلا معظم منتاجتها للاطفال
بغسل وشى الصبح عادى جدا بمية باردة وبليل بغسل بالغسول

2: الغسول ده بستخدمة لسواد الركبة طب أزاى .؟
الاول برش على ركبتى مية دافية وبعدين باخد الغسول ده واحطة على ركبتى وبجيب الحجر اللى احنا بنعمل بيه كعب الرجل وبدعك بيه ركبتى بس براحة جدااااااااااااا علشان مش أجرح ركبتى وشوفى النتيجة ياقمر من أول مرة انا بعمل كدة 3 مرات فى الاسبوع



3: بعد مابغسل وشى بالغسول بحوالى نص ساعة بمشى على وشى قطعة تلج
وانا بعمل التلج بمية الورد
يعنى المربعات بتاعت التلج دى بحط فى نص ماء ورد وعليهم مية عادية من الحنفية
والنص التانى بحط نقط ليمون وعليهم مية عادية بردوا من الحنفية وبحطهم فى الفريزر باخد قطعة تلج وامشيها على وشى بجد بجد تحففففففففففة



4:باخد التلج اللى بالليمون وامشى قطعة منهم على صدرى من تحت لفوق بتخلى الصدر مشدود ومن غير ترهلات ولا اى حاجة من دى



5: وكعب رجلى بردوا بحط من الغسول ده مع اى نوع شامبو فى مية دافية واشتغلى بالحجر كعوب من غير خشونة ولا تشققات وحمرة زى لون الورد



6:علشان رائحة العرق كل يوم الصبح بغسل تحت الابط بصابونة بريحة وبنشف كويس أوووووى وبنص ليمونة وبدعك تحت الابط وانسى ريحة العرق دى نهائى طول اليوم غير البياض لان الليمون بيبض الاماكن الغامقة



7: وللاظافر بردوا بنص ليمونة وبدعك ظوافرى وكفوف ايدى وشوفى النعومة والبياض والظوافر القوية



لو عجبتكم تجربتى والموضوع لاتنسونى بصالح دعائكم والتقييم


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©