عنوان الموضوع : الماسيدوان
كاتب الموضوع : salima
مقدم من طرف منتديات ايمازيغن

بسم الله وبعد
حبيباتي هده الماسيدوان أنا عملته بعد ماأخدت باقتراحات العضوات الجميلت نتاعنا فالمنتدي الله يبارك ما من أحد يطلب منهم المساعدة الا ووجدهن جاهزات وبالمناسبة أوجه شكري الكبير لهن كل باسمها ودرك نبدأفا لطريقة
المقادير/ كمية من الجلبانة مفورة -مربعاتع بطاطا يكون صغار مفورة - مربعات بنفس الحجم من الجزر مفورين - قرنون مفور يكون كبير الحجم كي يفور نقص -حبةبيطراف مسلوقة (اختياري)-كمية من الدرة -كورنيتشو(خيار مخلل)- حبة طماطم مربعات صغيرة بنفس الحجم -كمية من الروز مسلوق (لازم تبقى حبة الروز كاملة كي نسلق نضيف عليه شويا من الماء)-بيض مغلي -مايونيز
بالنسبة للمايونيز أنا وضعت بيضة في الربو وضفت لها ةسنينة ثوم مع قطرات من القارص ورشة ملح ورشة من الفلفل الابيض ضربتهم شويا وبديت نضيف الزيت من الفتحة نتاع الخلاط على شكل خيط رقيق من الزيت والربو يخدم يعنى ما نتوقفش عن الخلط حتى يتضاعف الحجم ويبدأييبس شويا نزيد نضيف القليل من الخل الأبيض
نرجع للمكونات في صحن غميق نخلطها مع بعض نضيف رشة ملح ونضيف المايونيز حسب الحاجة ثم نفرش صحن بأوراق الخش ونقدم فوق الماسيدوان وبالصحة والهنا.



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©