عنوان الموضوع : les chaussons من مطبخي - طبق جزائري
كاتب الموضوع : hanan
مقدم من طرف منتديات ايمازيغن

مساء الخير على احبتي في الله

اليوم درت les chaussons
و حبيت نشارككم بيهم و نتمنى يعجبوكم و تجربو الوصفة و تستمتعو بيهم مع افراد العايلة ان شاء الله
و الله مع السخانة هاذي وليت نحوس غير على اكلات خفاف باش نخلي بلاصة الماء ههههههههه

المهم ابدا ببسم الله
درت فرينة حطيتلها شوية ملح
شوية زيت (مقدار فنجان)
و خميرة تاع الكسرة (2 مغلرف صغار)
و بليتها بالحليب الدافئ (باش تجيني عجينة هشة و خفيفة)
جمعتها و عجنتها شوية حطيت الزيت الزيتون و عودت دخلته في العجينة و خليتها تخمر مدة 1سا و ربع
رشيت الفرينة و طرحتها رقيقة قصيتها دوائر و حشيتهم بالفرماج غلقتهم و دهنتهن بصفار البيض و زينتهم بالجلجلانية
و هذه النتيجة جاو هيلين





ملاحظة: الحشو اختياري ديري وش حبيتي و المتوفر عندك

شهية طيبة
ام سراج الدين





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©