عنوان الموضوع : خبيزة البطاطا من مطبخي - المقبلات و السلطات
كاتب الموضوع : hamida
مقدم من طرف منتديات ايمازيغن

السلام عليكم و رحمة الله

اليوم نقدملكم مقبلة رائعة بنينة خفيفة و ماتديش وقت كبير في تحضيرها

نعملها دايما كي نعود حاصلة و تقدري تعمليها مقبلة مع شربة رمضان

اترككم مع المقادير

5 حبات بطاطا قشريهم و قطعيهم مكعبات و ملحيهم و اقليهم و علبتين طون طماطم او زيت اللي تحبيه بيض فرماج و معدنوس ملح فلفل



بالنسبة للي تحب الطون بالزيت تجيها رائعة ماتنساش تعصر عليها ليمونة في الاخير انا هنا استعملت طون طماطم

صفي مكعبات البطاطا من الزيت بعد قليهم و فتتي عليهم الطون و زيدي قطع الفرماج حسب افراد العائلة



و ضربي البيض ايضا حسب عدد الافراد البيض و المعدنوس و شوية ملح و فلفل اسود و كبيهم على الخليط



و حمريها من الجهتين و اقلبيها في صحن التقديم و زينيها كيما تحبي زيتون كاشير قارص

و هذه هي الخبيزة جاهزة









ملاحظة


ممكن تعملي بدل الطون صدر الدجاج قطعيه مكعبات و تبليه بالتوابل و اقليه و اعملي نفس الخطوات تجيك هايلة و ماتنسايش تعصري عليه ليمونة

اتمنى تعجبكم و تجربوها



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©