عنوان الموضوع : أسمــ☺ــاء هاهي الوصفة شكرا حبيبتي - من المطبخ الجزائري
كاتب الموضوع : hanan
مقدم من طرف منتديات ايمازيغن
السلام عليكم
حطيت هذه الوصفة من قبل و اليوم راح نديرها بالصور
للعجينة :
5 كيسان فرينة + نصف كاس زيت +2 ملاعق كبار خميرة الخبز +1 خميرة الحلويات + مغرف كبيرة خميرة المحسن +
ملعقة كبيرة سينوج + فنجال سكر + ملح حسب الرغبة +
ماء دافي عجنتها و حطيتها تخمر
للحشو :
انا درت لحم مرحية + فرماج + بيشاميل
لحم المرحية قصيت بصل رقيق و ملح و فلفل اكحل دبلت البصل و حطيتله اللحم و خليتهم
نسيت ما صورتش الحشو ركزت غير على العجينة سامحوني
البيشاميل :
دوبي
مغرف زبدة + حطيلها مغرف فرينة و خلطي بالفووي ما تحبسيش من التخلاط فوق النار كي تطلع ريحة الفرينة و الزبدة لحقيلهم 1/2ل حليب سخون و بالشوية وانت تخلطي بالفووي حتي تولي ما هي عاقدةو ماهي جارية بزاف
نوليو للعجينة:
بعد ما تتخمر عاودة عجنتها و قسمتها على 2 الاولى درتها على شكل وريدات و الثانية على شكل cornet
les cornets هاي كيفاه ديريهم
تحلي العجينة و تقصيها بالطول
و تروليهم فالمول تاعهم
تتدهنيهم و تخليهم يخمروا شوية و تحطيهم فالفور ( يكون سخون )
الوريدات تحلي العجينة و تقطعي دائرات انا استعملت فم الكاس متوسط و تدهني المول تاع madeleines ( يتباع simple و كاين شكل وريدات ) كل 3 دائرات يشكلو وردة حطيهتم بجنب بعضاهم كيما تشوفي فالصورة
و حشيتهم باللحم و فوقه البيشاميل و غطيتهم بالفرماجو ديري هكذا حتى تكملي العجينة
تحبي تغلقيهم كيما درت انا ولا تخليهم مفتوحين
و تدهني الشطوط تاع الوردة بالبيض ( بيضة + سكر + شوية حليب)
كيفكيف يخمروا شوية باه تطيبيهم
و هذا الشكل النهائي
ان شاء الله تكون عجبتكم
و شكر خاااااااااااص لأسمــ☺ــاء بينتلي كيفاه نحمل الصور
بارك الله فيك
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©