عنوان الموضوع : لازانيا شهية من مطبخييييييييييي - طبق جزائري
كاتب الموضوع : admin
مقدم من طرف منتديات ايمازيغن

ليوم رايحة نحط طريقتي في لازانيا كنت حطيت صور طبسي الهام وطبسي لام اياد وليوم لبلاطو لجميع نبدا بسم الله .
المقادير:
صدر دجاج نقطعو مكعبات (نقطع هوكونجلي باش جيني ساهل وخليه يتنحالولاقلاص)


بصل مقطع+جزرة مرابيا+شنبينيو مقطع+فلفل حلو مقطع +سنة ثوم مرحية
مغرفة اكل طماطم علبة + نص حبة طماطم مرحية +ملح + فلفل اسود+زعفران+زعيترة ورند مكانش عندي
علبة لزانيا (انا علبة استعملتها علي مرتين ) جبهالي مدقدقة معليش كلش صالح للاكل.


التحضير:
نجيب مقلة ولا كسرونة نحط زيت +بصل+جزر+زعيترة ورند وملح نخليه يتقلي مليح


كيذبال بصل نزيدوفلفل حلو دجاج فلفل اسود+زعفران و نخليه شوية يتقلي


ونزيدو طماطم حب وتاع علبة ونخليه حتي يطيب



نديرو بشاميل عادي انا ندير زبدة تذوب ومن بعد فرينة نخلط مليح ونزيد حلب بشوية ونخلط حتي نوصل لقوام لنحوس عليه


 نزدلو4 حبات فرماج ونخلط كطيب وهو سخون ديرلو شوية زعيترة تعطيلو بنة



نغلي لزانيا كما مقرون في لماء وملح وشوية زيت حتي طيب مصورتش نسيت

روحو لتطبيق نجيب بلاطو فرن نديرو شوية بشاميل ونحط لزانيا ومن بعد لصوص وشوية بشاميل وفرماج رابي زيدو نفس شئ يعني طبقتين




وفي لخر ندير بشاميل مع فرماج والى فرن حتي تحمار انا منحمرهاش ملفوق ميحبوش.



وههي واجدة

بصحتكم وهذا عشايا

وهذي مقبلة روزا ربي يحفضها زدتلها فلفل حلو


انشاء الله وفقت في شرح خاطر اول مرة نحط موضوع
في امان الله راني نسنى ردود جميلة



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©