عنوان الموضوع : مبسس بالاعشاب من مطبخي - من مطبخي
كاتب الموضوع : salima
مقدم من طرف منتديات ايمازيغن

[http://im32.gulfup.com/ad9og.jpghttp...d9og.jpgط§ظ„ط³ظ„ط§ظ… عليكم كيراكم نتمنى تكونو كامل غايا كيما يقولو الجديد حبو و القديم لا تفرط فيه عليها جبتلكم مبسس بالاعشاب كانو يعملوه زمان و نقدرو نعتبروه دواء ايضاو اناو العايلة نموتو عليه حتى الاطفال والفو ياكلوه بالعسل المهم نخليكم مع المقادير و الطريقة ونتمنى يعجيكم و مين تجربوه تعرفو البنة الي فيه على بركة الله نبدو نحضرو مبسس عادي يعني ناخدو تلاتة كيلات سميد متوسط مع كيلة زبدة دايبة ولا كيلة زبدة و زيت كيما تحبو و شويا ملح نحكوحم مليح بكف اليد و نخلوهم على جيهة نروحو للاعشاب و هما عشبة الفليو و عشبة تيمرسات كيما راكم تشوفو في الصور شري من كل عشبة قيس 30دج و نحي غير الاوراق فقط فقط الاوراق و نغسلوهم مليييييييييييييح و نفرزوهم غايا و نحو هادوك الورقات الكحلات و المدبالات و نشلوهم مليييييييييح في الماء و نصفوهم غايا من هاداك الماء و نقطعهم رقيق انا خليتهم شويا باينين كيما تحبو و نخلطوهم مع المكونات الي درنا من قبيل نتاع السمسد و الزبدة و الملح و نخلطوهم مليح كيما راها في الصورة و ناخدو قسي زوج حفنات و نرشهم بالماء و نلمهم ونلم فقط العجينة المبسس جامي ما ينعجن باه يجي طري و نقرصوه و نقطعوه كيما حبيتو انا نبغي الحبات يكونو كبار كيما بكري و نطيبوهم في الطاجين عادي كي المبسس و نقدرو نرافقوه مع العسل الي يحب و نتمنى تجربوه خاصة للناس الكبار متلا الجدة ولا حتى الولدين يعرفو قيمته




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©