عنوان الموضوع : كسرة محشية - من المطبخ الجزائري
كاتب الموضوع : kouka
مقدم من طرف منتديات ايمازيغن

كاين لي شكون يقوللها كسرة الشحمة غير العايلة نتاعي غبر تقوليلهم بالشحمة ما يكلوهاش مالة بدلت اسمها هما نديرهالهم بلا شحمة ونتاعي ندير فيها غير شوية هنا درت الفلفل حلو و حار و البصل و الطماطم و الزتون و الفرماج وملح و زيت و مبعد الطاطم مصبرة والدبشة و المعدنوس و كي نطفو عليها نديرو التون نتاع الزيت ومبعد نبلو الكسره كي العادة و نخلوها تترنخومبعد نعجنوها ونخبزو وحدة صغيرة نحطوها على جهة و وحده كبيرة نحطو في وسطها الحشو و مبعد نرجعو الاخرى الصغيره الفوق و نغلقو الاجناب بواسطة اللوي و الضغط و مبعد تطيب و بالهناء



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©