عنوان الموضوع : طاجين شفلور على طريقتي - اكلات جزائرية
كاتب الموضوع : hanan
مقدم من طرف منتديات ايمازيغن

هذا طاجين شفلور على طريقتي إذا عجبكم نحطلكم الطريقة ماتبخلوش عليا بالردود وإدعولي ربي يشافيني[IMG][/IMG]أنا درت فيه بطاطا مقطعة مكعبات ومقلية وخمسة زهرات شفلور مغليين في ماء وملح حاكم روحه ماخليتاش حتى تهرى ودجاج ثاني مقطع مكعبات كيما الباطاطا ومشوي مع راس بصل محكوك وملح وراس الحنوت وفلفل اكحل وجوزة الطيب وزيت طبعا شوي ماشي ياسر وكي طاب الدجاج رميت عليه البطاطا وربطة دبشة مقطعة والزهرات تع الشفلور تفتفيهم غير بالعقل متعبزيهمش وزيتون أخضر مقطع شرائح و3 إلى 4 طوابع فرماج عادي شيزي ولا لافاش كيري وتلميهم ب4 حبات بيض فيهم ملقتين فرينة وملعقة هريسة مخفوقين مع بعض وتدخليه الفرن وكي تشوفيه حكم روحه خرجيه تكوني حضرتي أصابع رقا ا اق تع الفرماج روج تستفيهم بالشكل الموضح في الصورة على شكل شباك وتحطي وسطهم زيتون اسود وتعاودي ترجعيه للفرن غير شوي كي تشوفي الفرماج ذاب تخخرجيه وتاكلي بالصحة والهنا طعمو هايل إن شاء الله تجربوه ويعجبكم[/IMG]



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©