عنوان الموضوع : صوتي الفلفل روووووووووعة - من المطبخ الجزائري
كاتب الموضوع : imilla
مقدم من طرف منتديات ايمازيغن

حبوباتي بنات المنتدى اليوم حبيتكم تعرفو طريقة لذيذة جدا للفلفل الحلو مع الحار هي نوع من المقبلات بصح بطريقة مختلفة وبنينة تهبل مع المقادير والصور تفضلو:

حبوباتي أمسحو الفلفل الحار والحلو بطرشونة نظيفة ماتغسلوهش باه ماتروحش النكهة تاعو ( عن تجربة) من بعد حطوه يتشوى

كي يتشوى حطوه في ساشي تاع النيلون باه تطرى القشرة تاعو ويسهل تقشارو ومن بعد قشروه ونحيولو الزريعة ومبعد أغسلوه بالماء وأعصروه بالخف بين يديكم ومن بعد قصوه مربعات وحطوه في مقلاة وقليوه بزيت الزيتون لازم زيت الزيتون تغطي الفلفل أو ماتملحوش مازال, كي يتقلى في زيت الزيتون طفي النار وبالخف زيدي الخل والملح وهو سخون مازال يغلي وخلطي

وفي الأخير ضيفي طون زيت مصفي من الزيت تاعو يعني الطون وحدو وخلطي وحطيه في الصحن وزينيه باه تحبي بالمايوناز والبيض مشرشم ولا الماييس ...الخ لك الاختيار والله روعة حنا نديروه مام في عراسنا حاجة تهبل وبنينة وفاتحة للشهية نشالله نكون وفيت وكفيت وشكرا لكن :m h31:



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©