مساء النور حبيباتي شفت بلي شحال من وحدة راهي تجرب المايوناز و بطرق مختلفة بصح ما تنجحلهاش اليوم جبتلكم وصفة مضمونة من اول مرة ادعولي نتوما برك ربي يرزقني بطفل و لا طفلة ينورولي حياتي
المقادير بسيطة جداا بصح المهم لازم يكون عندك البرا كيما هدا اللي ترحي بيه
في الكاس اللي يجي مع هاد الميكسور حطي
02 حبات بيض بحرارة الغرفة
شوية فلفل اسود
شوية ملح
و اذا تحبي نكهة الثوم زيديها انا دايما نديرها بالثوم نزيد زوج فصوص
ضرك ابداي تخدمي فيهم بالباتور قيس ما يتخلط البيض و يترحا الثوم،ضرك كيلي كاس زيت و ابداي تضيفي و في نفس الوقت تخبطي بالباتوغ يعني ما تحبيسيش
ادا خلاصلك الكاس تاع الزيت و شفتي بلي مازال ما حكمتش روحها زيدي شوية زيت حتى تاخد قوام المايوناز
انا عادة نزيدلها حبة جبن و تقدري تزيديلها شوية كرام فراش و لا ياغورت طبيعي تولي كيما الصوص تاع الشاوارما كيما تقدزو تزيدو فيها شوية هريسة و تقدم مع المشاوي
نتمنى تجربوها و تحطو النتيجة و تدعولي دعوة خير
سلام حبيباتي
رد مع اقتباس
