عنوان الموضوع : اللوبيا الخضراء من مطبخي - اكلات جزائرية
كاتب الموضوع : imilla
مقدم من طرف منتديات ايمازيغن

الوصفة الأولى عملتها بقطع صغيرة من اللحم نحتاج لوبيا خضراء +حبة بصلة مقطعة جوانح +ملح +فلفل اسود +توابل +رند +3 إلى 4ملاعق زيت +طماطم مقطعة مكعبات +ماء ساخن نضع كل المقادير( ما عدا الطماطم والماء ) في صحن الفرن ونشعل الفرن ونخليهم يتقلاو مليح ومرة على مرة نخلط ولما يتقلاو مليح نضيف الطماطم ثم الماء الساخن ونخليهم داخل الفرن حتى ينشف المرق (كمية المرق قليلة ولا بزاف أنت وما بغيتي ) راهو يجيك بنين واللحم نتاعو محمر بلاكي برك ينحرقلك والصور توضح أكثر :

************************************************** ****************************

************************************************** *****************************

************************************************** ************************************************** ***************************** الوصفة الثانية بدون لحم وتناسب أكثر فصل الصيف
دايما لوبيا خضراء +سنات ثوم مع ملح وفلفل نحطهم في كسكاس يفورو ونوجد صلصة حمراء ب2 حبات طماطم مكرفجين +ملح+فلفل+ توابل +1ملعقة وونص زيت ونخليها تتقلى ولما تفور اللوبيا نحي الثوم ونزيدو للصوص ونخلط ثم نزيد اللوبيا ونخلط مليح حتى تاخذ بنة الصوص و من بعد نضرب البيض ونفرغو فوقها ونغطيها بغطيوة ونخلي البيض ينشف (ممكن إذا بغيتي حطيها في الفور )وممكن أيضا تحطي الفرماج رابي من الفوق


************************************************** *************************

************************************************** ***********************************




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©