عنوان الموضوع : وصفة البيتزا الناجحة 100% - معجنات و اطباق رئيسية
كاتب الموضوع : chahinez
مقدم من طرف منتديات ايمازيغن

السلام عليكم يا وجوه الخير

بسم الله العبار هنا بالكاس إذا حبيتي كمية كبيرة استعملي كاس كبير و العكس
- كاس حليب دافئ
- كاس ماء دافئ
- كاس ناقص 2 أصباع زيت
- م ك و نص خميرة فورية
- م ك سكر
- م ص ملح
خلطي كل هذة المقادير بيدك و ضيفي الفرينة حتى تتحصلي على عجينة طرية لمهيها بلا ما تعجنيها خليها تخمر مليح ثم كسريها و خليها تخمر ثم حليها بالحلال . تكوني حضري الصوص المتكون من:
- حبة بصل مقطعة على 4+ 2 إلى 3 طماطم حسب الحجم مقطعة على 4+ 2 فص ثوم + ملح + فلفل اكحل+ 2 م.ك زيت زيتون+م.ك طماطم مصبرة + 2 ورق رند + عود زعيترة حطيهم في مقلة على النار لما تذبل مليح أرحيهم في الميكسور بعد ما تنزعي الرند و الزعيترة
حطي الصلصة فوق العجينة و زينيها بالموجود عندك الزيتون - الفطر - الطون - اللحم مرحي كيما تحبي ثم دخليها لفرن مسخن على 200 درجة انتبهي عليها مليح لأنها تطيب بسرعة. و شهية طيبة
جربوها و ما تندموش.



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©