عنوان الموضوع : جاري فريك بطريقتي من مطبخي - من المطبخ الجزائري
كاتب الموضوع : kouka
مقدم من طرف منتديات ايمازيغن

جاري الفريك اكلة شعبية رغم بساطتها انا نحب نتفنن فيها
لانو يتصدر العرضات والاعراس وموائد رمضان وكنت وعدت الاخت العزيزة اولادي نحط ليها وصفتي الخاصة
المقادير
لحم حسب الموجود
فريك ان عملت فنجان ونصف
حمص مرنخ
1 ونصف ملعقة ك طماطم علب
ومن بعد ذوقي ممكن تزيدي حسب نوعية الطماطم
كمية قليلة زيت
2 ملاعق ص افاح
ملح بصل مقطع رقيق خلاص او مفروم
راس ثوم منقي ومرحي مع لفاح
نصف ملعقة ص فلفل احمر مرحي
دبشة كرافس نعناع يابس
1طماطم
فلفل حار
]
]
الطريقة
نحط في كسرونة اللحم مع 2 ملاعق كبارزيت ونخليه يتقلى حتى يحمار دون ما يتحرق
نحي الزيت هذاك نرميه لانو يذوب فيه الشحم تاع اللحم ويخلي الجاري لما يبرد يعمل طبقة متجمدة
نخلي اللحم في البرمة نضيفليه حوالي3 ملاعق كبار زيت والبصل والملح ودبشة وكرافس مقطعين رقاق ونعناع مفتت وقطرات ماء ونقلي على نارهادئة
لما يتقلى البصل نزيد الثوم محري مع لفاح+الطماطم مصبرة وفنجان ماء ونقلي نرمي حمص مرنخ ونمرق الكسرونة للنصف بماء مغلي ونغسل الفريك ونصفيه ونضيفو
ونقص النار ونحط فوقها صحفة فيها ماء وحبة الطماطم ونقسمها عل2وشوية دبشة وكرافس ونعناع في الماء وكل ما تنشف الكسرونة نزيد من هذاك الماء
لماتعودقريب طيب نرمي الفلفل وورقات كرافس ونعناع ماهمش مقطعين وراهو بنين ياسر
جربوه
وهذه هدية مني اليكم الطماطم لي في الماء انا عملت 2 لما طاب الجاري قطعتهم وزدت عليهم الفلفل والزيت وعملتهم شكشوكة
اسفة على رداءة الصور عقبولي كان بهذه الطريقة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©