عنوان الموضوع : موائدي الرمضانية .............تفضلوا - من مطبخي
كاتب الموضوع : admin
مقدم من طرف منتديات ايمازيغن
مساااااااااااااااء الخير
صحا فطوركم
ما لاحتوش بلي من بداية رمضان ما حطيتلكم طيابي ؟؟؟ ولا صايي نسيتوني ؟؟؟
حبيت نجمعهملكم في موضوع واحد
المهم هوما ماش بزاف لأنو نطيب كل 3 أيام .....نطيب بالدالة مع نساء خاوتي زوج
و بصراحة هاد العام ما لي نفس نطيب هههه سامطتلي
زيد ما كان حتى تشجيع من الأسرة الكريمة ....أيا وليت نخلط و نحط
المهم أتفضلو
المائدة الأولى
شربة فارميسال
طاجين لحلو
طاجين الزيتون ....غير الطواجن ههههه
بوراك
سلطة,,,,ما يحبوهاش ب لافينيغرات على هادي نحطها ناشفة و نحطلهم القارص
و مطلوع مااااااااااما هكا نحبوه محمر
و الديسر ....فواااااااااكه مشكلة ما لحقتش نصورها
فلان + قلب اللوز
المائدة الثانية
حساء الخضر بالفرماج ........قالك كرهنا المرقة الحمراء
شطيطحة قنون .....أرنب هههه
سردين مقلي + معقودة في الفرن
سلطة بالفينيغرات و بلا فينيغرات
مطلوع ماما
و ديسير .....سالاط دو فروي مع عصير توت جفري درتو فلان
و للسهرة
المائدة الثالث
مرت خويا طيبت دارت شربة و سفيرية ..... أنا درت البوراك و سمك كلب البحر
نظرة مسرووووووووقة
المائدة الرابعة لي هي اليوم
شربة خضر بالفرماج مرة أخرى
سلاطة بالفينيغرات و بلا فينيغرات
طاجين الفرمااااج...
شكشوكة ..ماتحيروش الشروط لازم ثوم بزاف و بصلة بزااااف و مقصوصة كبييييرة ..لبابا يحبها هو لي طلبها .
سمك شيان دو مار...كلب البحر
و للسهرة ....لامونة مشرية + زلابية + فلان
=
=
=
=
=
هـــــــــــــــــذا ما كـــــــــــــــــــــــان
كنت حابة نجرب بزااااااااااااف حوايج مي نسهر بزااااااااااف و صباح ما نودش بكري يكون راح الحال
و تاني ماش ناااااااااااااااافحة ياو ماش نافحة...............حتى جدتي مرة قاتلي يا بنتي أنت كون ما تجيش نفحة هادي كيفاه نديرو ما ناكلوش ؟؟؟؟؟؟ هههههههه
سلاااااااااااااااااااااااااااااااااااااااااااااااا اااام
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
