عنوان الموضوع : ألذ كبدة مشرملة بطريقة أمي من مطبخي بالصور المفصلة - اكلة جزائرية
كاتب الموضوع : salima
مقدم من طرف منتديات ايمازيغن

لسلام عليكم
اليوم بإذن الله راح نوريلكم طريقة عمل الكبدة المشرملة كاين بزاف أخوات يسألوا عليها
طبعا هذه طريقة أمي العزيزة ربي يحفظها و يشفيها كانت درهالنا في أول أيام رمضان و في الأعياد و عند حضور الضيوف
طبعا المقادير والطريقة بالخطوات المشروحة بالصورحتى يسهل الفهم و أي سؤال أنا في الخدمة
المقادير :
حطي في طنجرة:
حبة طماطم مسكرفجة + الثوم + ورقات رند + ملعقة متوسطة سمن+ ملح ماتكثروش قليييييل فقط و كي طيب ذوقو+كمون+ فلفل أسود +أحمر + لفاح +ملعقة متوسطة طماطم مرحية + معدنوس


تقليهم شوية مع ملعقة الطماطم وتمرقي شوفو قدش ماشي بزاف







في هذه الأثناء قطعي الكبدة و حطيها في مقلة مع القليل من السمن او الزبدة ورشة ملح صغيرة و طيبيها نص طياب




ممبعد تفرغيها في المرقة الي تغلي و حركي و غطيها تطيب على نار هادئة مع التحريك مرة على مرة حتان تشوفيها طابت و المرقة عقدت و تجمرت





رشيها بالمعدنوس و قدميها بالصحة و الراحة مممممم






نتمنى نكون أفدت الأخوات لي حوسوا عليها و صدقوني راهي تجي بنينة تشهي كامل لي يكلوها عندي تعجبهم
تقدروا تعملوها بكبد الدجاج والقوانص تاني مممممم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©