عنوان الموضوع : قرتان كرم بالبيشمال - طبخات جزائرية
كاتب الموضوع : khouloud
مقدم من طرف منتديات ايمازيغن

بعد بسم الله السلام عليكم


المقادير: راس كرم قطعيه رقيق وملحيه وفوريه حتى يطيب مبعد قطريه من الماء شوية
من جهة اخرى نحتاج كاس روز طايب في الماء والملح ومصفي
ونحتاج لحم مرحي ماشي طايب
بيشمال خفيفة بالفورماج +2بيض

التحضير:
لحم مرحي +بصل رقيق +معدنوس +ملح + فلفل اسود + قرفة



خلطيهم ومطيبيهش
بعد ما تحضري كل المكونات خلطي اللحم مع الروز الطايب+ الكرم المفور



خلطيهم مع بعض



ضعيهم في مول مدهون



ثم كيما ذكرت سابقا نحضر بشمال تكون خفيفة بالفورماج نضيفلها 1فورماج شاف مبعد نحها من النار ونزيدلها 2 بيضات ونخلط بسرعة باش البيض ميطيبش



ونسقي الكرم بالبشمال



مبعد بواسطة فرشيطة ثقبي الكرم باش البشمال تدخل في وسطه



مبعد دخليه للفرن يطيب لمدة ساعة حتى تشوفيه طاب وحمار











©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©