عنوان الموضوع : صابلي ولا أروع - حلويات جزائرية
كاتب الموضوع : admin
مقدم من طرف منتديات ايمازيغن

سلاام احبابي اليوم خدمت صابلي جاني روعة والحمد لله وهادي الخلطة جديدة تاع الزيت وهاهي ليكم


المقادير


500غ زبدة صول

كاس وربع سكر قلاصي

نص باطة الزبدة *زيت*

4صفار بيض+ زوج بيضات كاملين

2كاس نشاء

2خميرة

فاني حسب الرغبة انا درت مغرف كبيرة تاع اكل

نكهة قارص ان وجد

فرينة حسب الطلب


نخلطو الزبدة مع سكر قلاصي مليح باليدة وضيفو كل المكونات بالترتيب حتى نتحصلو على عجينة طرية وحذاار ي من تكثار الفرينة لأنها تقسي لعجين من بعد نخلوها ترتاح 25 او 30 دقيقة ونشكلوها كيما نحبو

انا كيفاه شكلتو : شكلت كل العجين دوائر صغيرة قد مح البيضة او اصغر شوي من بعد طبعتو بطابع الفرفارة او الشمس هكا حنا نسموه يخرج علاااااااامة من بعد يتزين من المحيط بالنواد كوكو حسب الرغبة

الطابع لي نقصدو هو الأول من اليمين في الصورة اسفل الموضوع ولكن نحولو هديك الدويرة ونطبعو بالشكل فقط ان شاء الله تظهر الصورة



و شهية طيبة للجميع اتمنى يعجبكم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©