عنوان الموضوع : الى الاخت شيماء نور الي طلبة وصفة مقروط اللوز والكعيكعات - قاطوات الجزائر
كاتب الموضوع : kamiliya
مقدم من طرف منتديات ايمازيغن

مقروط لوز
اسفة على التأ خير الانترنت متحكمش معايا
"3 عبار لوز ناشف في في فرن ساخن من قبل وطافي+3/4 سكر عادي+لفاني +قشور الليمون ثم ارحيهم مع بعض مستوى وسط ثم لميها ب1 بيض مضرب واذا ماتنلمتش اضيفي 1 صفار بيض فقط حتىتنتلم وماتكونش جارية وخلي العقدة ترتاح 5 سا ثم شكلي حربوش وقطعي عبر 2 اصابع فقط والعلو ايكون وسط ويطهى مدة 10 الى 15 د حتى ينشف البيض ويحمار غير شوية من الاسفل
2** تكوني موجدة السيرو انتاعو من قبل 1 كيلة ماء+1+1/2 سكر عادي وتروكيهم حتى تثقل
منبعد اغطسي الحبة في السيرو ورمدي في سكر القلاصي حتى تكملي وتروكيهم ينشفو منبعد عاودي رمدي الحلوى انتاعك في السكر القلاصي مع اضافة لفاني منبعد ديريهم في ليكيسات

وصفة الكعيكعات او الحنيونات
احنا في المنطقتنا انقولولهم الحنيونات
المقادير:
250 غ لوز مرحي غبرة +125 غ سكر قلاصي+1 م ك زبدة +عصير الليمون ثم لميها بياض البيض مضرب وميكونش الخليط جاري لازم ناشف شوية باه الشكل ميخسرش
شكلي حربوش ودوريه على بوشون تاع قارورة صغيرة تاع دواء مقلوبة تعطيك شكل اسورة وديريهم في الفرن 120 درجة حتى يطهى بلون ذهبي منبعد اطليهم بالقلاصاج او رمديهم بسكر القلاصي كما تشائين
واذا احتجتي اي وصفة انا في الخدمة تحياتي



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©