عنوان الموضوع : تعالي نطول ونتقل شعرنا وتعالي اقولك ازاي تحافظي ع شعرك - العناية بالشعر
كاتب الموضوع : salima
مقدم من طرف منتديات ايمازيغن


السلام عليكم ازيكم يا احلي ثيمازيغين

في الفترة د لما بدخل قسم الاستشارات بتاعت الشعر بلاقي كل واحدة بتشتكي من شعرها عيزاه يطول في يوم وليله وتقول استخدمت د شهر ومجبش نتيجة ود معملش ود معملش

ي حببتي زي م الانسان فينا ليه حياه شعرك ليه حياته
ودورة حياه شعرك من 3 ل 6 شهور يعني علشان تشوفي نتيجة كويسه وترضيكي لازم تنتظمي من 3 ل 6 شهور اقل حاجة 3 ي فتوكة

هنمشي ع الحاجات د ولو انتظمتي شعرك هيتحسن بأمر الله
اولا @ الصبر ثم الصبر ثم الصبر ونزود طوله بال وتفاؤل يعني منزهقش ود اهم حاجة لشعرك
ثانيا @هتقصي فتفوتة من شعرك كل 15 ف الشهر الهجري هتقوليلي ليه هقول عند اكتمال القمر لما يكون بدر بتكون هرومانات الانثي ف افضل حالاتها والدورة الدمويه بتكون نشطة جدا وبالتالي الدم بيتدفق للشعر بسهوله ود بيساعد علي تطويله وتتقيله
ثالثا@ نتصدق ع شعرنا ولو ب جنيه بنيه شفاء شعرنا والله ليها مفعول السحر الصدقه ي جماعه
رابعا@المشط الخشب المشط الخشب وهقولها مرة كمان المشط الخشب
استخدميه بالله عليكي لانه مش هيضر شعرك ابدا زي البلاستك
البلاستك بيعمل قشرة بسبب الاحتكاك ويوقع الشعر ارميه ف الزباله
خامسا@ لو هتستخدمي زيت لشعرك لازم قبل الشاور بساعتين مش اكتر لان الزيت لو اتحط ع شعرك اكتر من كدا بيسد المسام ويوقعه ودا مش كلامي د كلام الدكاترة عشان محدش يقولي بتفلسف وبألف
سادسا@ افضل الزيوت للشعر خروع جرجير جوز هند والخردل كتير قوي شكرو فيه انا حاليا بستخدم خروع ع جوز هند
سابعا@ التوم والبصل لل بيتريقوا وبيقولوا تقليه ع الراس الحاجات د ليها مفعول السحر ف علاج الشعر ووصفه الزيوت وعليها فلفل حار د بردوا جميله جدا وبتحفز نمو الشعر
ثامنا@لو مشيتي ع وصفه استمري عليها مش اقل من 3 شهور ومش تبدلي بوصفه تنيه لا استمري واصبري عشان شعرك
تاسعا@التدليك مهم جدا جدا لشعرنا وخصوصا لو قبل النوووووووووووم هيحفز نوم شعرنا
عاشرا@ حاولي تسيبي شعرك مش دايما كحكة ولا الحوارات دي وتحت حجابك حاولي تفرقي شعرك من النص ومرة تان ع الجنب ومرة تالته ع الجنب التان ومرة لورا عشان مينحلش من قدااااام
11@ كلي بروتينات كتير لانها مهمه اوي
12@وانتي بتسرحي شعرك بالراحة عليه ولو فيه كلاكيع سرحيه من تحت عشان تفكي العقد بلاش تتخانقي معاه عشان خاطر نفسك
13@صابونة الشعر بلاش الصابونة العاديه خليها صابونة من عند العطار او الصيدليه زي صابونة الكبريت او الغار او النابلسي او صابونة بزيت الزيتون بتكون كويسه وانا عن نفسي بستخدم صابونة اسمها صان لايت ومرتاحه عليها جدا
14@الشامبو خففيه قبل متحطيه ع شعرك عشان ميضرش شعرك واثبتي ع نوع واحد لفترة او لحد م العلبه تخلص عشان ميحصلش لغبطة
لو مشينا ع دا وصبرنا _ صبرنا بقول صبرنا هتلاقي نتيجة هترضي عنها جدا وال يخلينا نسيب شعرنا بايظ سنين ليه منستحملش نعالجة شهور وربنا ينولنا كل ال بنتمناه
ادعولي بالتقل والطول ال بتمناه لجنى بنتى

ومتنسوش التقييم
في رعايه الله


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©