عنوان الموضوع : فى خطوتين وبس شعر ايدك ورجلك هيقولك باى باى - العناية بالجسم
كاتب الموضوع : imilla
مقدم من طرف منتديات ايمازيغن

ايه ده فعلا



ايوة فعلا خطوتين وبس وانا مجربه الكلام ده وماشيه عليه من سنه تقريبا



بصوا انا مش بحب شغل العك والوصفات اللى فيها 30 نوع بيطبخوا مع بعض انا كان نفسى فى حاجه تقلل نمو الشعر وفى نفس الوقت ملهاش اضرار

المهم انا كنت قرأت من فترة كبيره عن اعشاب اسمها السعد ( بضم السين) بتقلل نمو الشعر وبتخففه المهم مكدبتش خبر ورحت عند العطار وقولتله عليها هى بتبقى عامله زى البورده جبتها واستعملتها .. شهر - 2 - 3- 4 ومازل الشعر مستمرا تقولوش بيطلع عند فيا

روحت للراجل العطار قالى استعملى كمان كريم السعد ( برضه النتيجه مش اوى) بعدين استملت الزيت بتاعها ( برضه عادى) طب اعمل ايه

بعد كده كنت فى زياره موسعه عند العطار فقولتله انى جربت كل ده ومش نافع قالى على خلطه ( هى اللى جابت من الاخر)


الخلطة هى .....

اعشاب السعد + اعشاب السكران ( بضم السين برضه) واحط عليهم ميه واحطهم على النار 5 دقائق او اقل لحد ما يتمتزجوا مع بعض ( حلوة يمتزجوا دى ) وبعدين اشيلهم من على النار واحط عليهم نص ليمونه ( انا حطيت ليمونه ) وزيت زيتون ( ده هيخلى جسمك حرير بعد ما تشيلى الخلطة) .... ولو عايزة تحطى زيوت تانيه زى اللوز الحلو او الجوجوبا حطى
مثلا: (2 معلقه سعد قصادهم معلقه سكران )

وادانى كمان حاجه اسمها فاسوخة ( وربنا ده اسمها ) احطها فى السويت وهو سخنه بتخلى السويت تشيل بسرعه ومن الجذور

طبعا بعمل السويت الاول وبعدين اشطف ايدى ورجلى بالميه وبعدين احط عليهم الخلطه دى بس مش اقل من ساعه لو قدرتى اكتر من كده يبقى خير وبركة وبعد كده تتشطف بميه فاترة ... بصوا يا بنات علشان ابقى خلصت ضميرى الخلطة دى بتخليكى عايزة تهرشى فى المنطقه اللى هتحط عليها بس بعد كذا مرة هيقل الموضوع ده

انا جربت الخلطة دى بقالى كذا شهر عامله معايا مفعول حلو اوى

اولا الشعر قل جدا وفى بصيلات ماتت كتير والشعر نفسه بقى خفيف اوى .... لدرجه انى بعمل سويت كل شهرين علشان يكون الشعر طلع شويه وينفع يتشال
الخلطة دى فى الاول عايزة مواظبه عليها علشان تجيب مفعول يعنى شهرين 3 وهتشوفى النتيجه اللى على حق


جربوها وادعولى

المشاركه الجايه هقولكم على طريقه حلوة وسهله للحمام المغربى واستخدامات الحنه البيضا

سلام يا احلى بنوتات

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©