عنوان الموضوع : مادلان الفراشة احلى مادلان تقدميه لضيوفك - قاطوات جزائرية
كاتب الموضوع : kamiliya
مقدم من طرف منتديات ايمازيغن
السلام عليكم
كيف حالكم اخواتي ان شاء الله راكم كامل بخير
اليوم جبتلكم مادلان هش وخفيف وشكله راااائع يحمر الوجه قدام الضياف
http://
المقادير:
4 بيضات حجم متوسط
250غ سكر احرش
120مل حليب
150مل زيت
300غ فرينة
1خميرة
فاني
للتزيين
كريم شانتيي
سكر رطب
معجون الفراز
الطريقة:
اولا نشعل الفرن على170درجة
بواسطة الخلاط الكهربائي نخلط البيض مع السكر والفاني جيدا
نغربل الفرينة والخميرة ونضيفها للخليط ونحرك بالملعقة ثم نضيف الحليب والزيت ونحرك
ناخذ القالب الخاص بالمادلان ونحط داخله ليكيسات الخاصة بالمادلان
http://
نحط كمية من الخليط داخل ليكيسات حوالي ثلاثة ارباع
http://
ندخله للفرن يطيب من الاسفل من بعد نشعل عليه من فوق حتى يتحمر
هذا شكله بعد ما طاب
http://
نخليه يبرد تماما
في هذا الوقت نحضر الكريم شانتيي
ناخذ120غ كريم شانتيي غبرة+شوية سكر رطب مانكثروش لان من بعد راح نرش الحلوى بالسكر+شوية فاني+ماء او حليب يكون بااااارد حوالي 250مل نضيفه بالشوية ونخلط بالباتور جيدا
بعد ماتطلع الكريم شانتيي نحتفظ بها في الثلاجة
ناخذ سكين نقطع الجهة العلوية من المادلان
http://
شوفو الثقوب من الداخل هذا يدل على ان خفيف وهش
نحط الكريم شانتيي في كيس الحلواني ونملأ الفراغ
http://
ناخذا الدوائر لي قطعنا قبل ونقسم كل واحدة على اثنان و نحطها فوق لاكرام بهذا الشكل
http://
نرش شوية سكر رطب من فوق
http://
وفوق لاكرام نحط شوية من معجون الفراز ونقدمه
http://
http://
عن قرب
http://
http://
نتمنى تجربوه لان فعلا رااااائع خفيف وبنين وشكله هايل
في امان الله
ملاحظة مهمة:
اذا كان حجم البيض كبير نضيف شوية فرينة باه مايهبطش المادلان اكي يطيب.
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
