عنوان الموضوع : فراخ بصوص الكريمه والمشرووووم - وصفة من مطبخي
كاتب الموضوع : khouloud
مقدم من طرف منتديات ايمازيغن

فراخ بكريمة المشروم
المقادير:
½ كيلو صدور فراخ
2 مكعب مرقة الدجاج
علبة مشروم مقطع صغير
4 ملعقة كبيرة ثوم مفروم
½ ملعقة صغيرة زنجبيل
2 ملعقة كبيرة زبدة
2 ملعقة كبيرة نشا
علبة كريمة طبخ
2 ثمرة بصل
ملح وفلفل
بهارات

الطريقة:
1- قطّعي الفراخ شرائح رفيعة وتبّليها بالملح والفلفل، وسيبيها في التتبيلة لمدة ساعتين أو أكتر، وبعد كده حمّري الفراخ مع الزبدة في طاسة على النار لحد ما يبقى لونها دهبي، وبعد كده ارفعي الفراخ من الطاسة.

2- شوّحي البصل في نفس الطاسة وقلّبيه لحد لما يدبل ولونه يصفرّ، وبعدين ضيفي عليه الثوم وقلّبيهم مع بعض شوية، وبعد كده ضيفي عليهم الزنجبيل المطحون، واستمرّي في تقليب الخليط.

3- بعد كده ضيفي البهارات والمشروم وقلّبيهم مع بعض كويس أوي، وبعدين ذوّبي مرقة الدجاج في كوب ماء دافئ، وضيفيها على الخليط السابق مع الاستمرار في التقليب.

4- سيبي الخليط على النار لمدة 5 دقائق، وبعد كده دوّبي النشا في كوب ماء وضيفيه على الخليط، وقلّبيه لحد ما قوامه يبقى كثيف، وبعدين ضيفي الكريمة، وقلّبي الخليط لمدة دقيقتين على النار، وفي الآخر ضيفي قطع الفراخ، وقلبيهم مع بعض، وقدّميها سخنة.. وبالهنا والشفا.

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©