عنوان الموضوع : كفتة داود باشا بالبطاطس مع الارز الاصفر2014 من مطبخ نفرتيتي - وصفة من مطبخي
كاتب الموضوع : salima
مقدم من طرف منتديات ايمازيغن



حلقة جديدة من برنامجنا الاسبوعي

(( مطبخ نفرتيتي ))

انهاردا محضرالكم أكلة سهلة وخفيفة من مطبخي مع اضافة بسيطة للاكلة هي

~ كفتة داود باشا بالبطاطس مع الارز الاصفر~







ربع كيلو لحم مفروم
1-بطاطس
بصله مبشورة
فلفل اسود وبهارات
صلصلة طماطم
ارز مصري
كركم
زيت للتحمير
بقسماط مطحون





1- نبشر البصل والبطاطس ونعصرهم كويس من المية .



2-نضيف اللحم المفروم والبقسماط (2 معلقه كبيرة)
والفلفل الاسود والملح والبهارات ومعلقة الصلصة ومعلقة صغيرة بيكينج بودر ونخلطهم كويس.

3-نعمل خليط الكفتة كور متوسطة الحجم وندخلهم الفريزر نص ساعه .




4-في الوقت دة نحضر الصلصة بالطريقة العادية
(بصل مفروم ونحمرة في شوية زيت بعدين نضيف صلصة الطماطم
مع طماطم مضروبة ونسيبهم على النار يتسبكو شوية) .
نعمل الارز الابيض المصري العادي بس لما نحمرة نضيف علية معلقة كركم ونضيف المية والملح والمرقة ونسيبة يستوي .






5-نطلع الكفتة ونحمرها في زيت غزير ونطلعها نحطها على ورق المطبخ عشان يشرب الزيت الزيادة
وبعدين نحطها في صلصة الطماطم الي سبكناها نسيبها تغلي شوية وبعدين نطلعها نقدمها مع الارز والسلطة الخضراء
وبالهناء والشفاء








وكدة خلصت حلقتنا انهاردا
مع السلامة وانتظروني في حلقة جديدة الاسبوع الجاي بإذن الله
وزي كل أسبوع توقيع الحلقة برعاية العسوله ندى إم





الحلقات كلها موجودة هنا

برنامج اكلات وافكار جديدةلست البيت الشاطرة مع مطبخ نفرتيتي


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©