عنوان الموضوع : الفراخ المشوية وبرام الأرز الجنان على طريقتى,مطبخ مايا علي,أكلات رئيسية - وصفة من مطبخي
كاتب الموضوع : kouka
مقدم من طرف منتديات ايمازيغن





النهاردة بقدم ليكي طريقتى في الفراخ المشوية
يارب تعجبكم
نشوف المقادير

4 وراك فراخ
مقادير البوكيه جارنيه
2 جزر
2 بطاطس
4 حبات مشروم
كرفس
2 فلفل رومى أخضر
1 بصل أخضر
مقادير التتبيلة
فنجان قهوة صويا صوص
ملعقة كبيرة مستردة
ملعقة كبيرة مايونيز
ملعقة كبيرة كاتشاب
ملعقة كبيرة صلصة طماطم
ملح فلفل أسود زعتر جاف
كركم بهارات فراخ مشوية
بابريكا
3 ملعقة كبيرة زيت نباتي
وعملت معاه برام أرز
مقاديره

2 كوب ونصف أرز مصري
3 كوب لبن وقدر بسيط مياه يعني ملعقتين مياه عشان يبقي البرام طرى
ملح فلفل اسود
ملعقة صغيرة سكر ودى من التكات اللى اتعلمتها من جدة مامتى
بصراحة بتدى طعم راااااااائع للبرام

نشوف الطريقة

اغسلي الوراك جيدا وانقعيها بالليمون والخل لمدة ربع ساعة يعني في حدود الوقت اللى بتجهزى فيه مقاديرك التانية
قطعى مكونات البوكيه جارنيه ارباع
وحطيها بالقالب اللي حتستعمليه
جهزى التتبيلة بوضع كل المكونات على بعضها
ضعى الفراخ بالتتبيلة وقلبيها جيدا ثم ضعيها على البوكيه جارنيه
وضعي باقي التتبيلة من فوق
دخليها بالفرن اللي كنتي مسخناه طبعا من بداية تحضيرك
ويبقي مكشوف لمدة نصف ساعة
بعد مرور النصف ساعة غطيها بورق فويل الى أن تتشرب السوائل اللي موجودة
بنفس الوقت جهزي البرام
ادهنيه سمن بلدي
اغسلي الأرز
ضعيه وضعي الملح والفلفل والسكر علي اللبن وقلبيه كويس الي أن يذوبوا
ثم ضعيه على الأرز
وضعيه مع قالب الفراخ المشوية
واستني لحد مايخلصوا وجهزى سلطتك وخرجيها من الفرن وقدميهم
اسيبكم مع الصور










زوووووووووووووووم



ودى صورة طبق اليوم النهائي قالب الفراخ المشوية وبرام الأرز الجمييييييييل


وبالهنا والشفا علي قلوبكم ثيمازيغين


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©