عنوان الموضوع : طريقة عمل الشوريك (الكفله بسكر)من تطبيقى بالصور - وصفة من مطبخي
كاتب الموضوع : hamida
مقدم من طرف منتديات ايمازيغن

السلام عليكم ورحمة الله وبركاته
ازيكم يا ثيمازيغين ايه الاخبار ؟
حبيت النهارده اشارك معاكم بوصفه الشوريك ام سكر اللى فيه ناس بتقول عليه الكفله وهدخل فى الموضوع عى طول من غير رغى كتير
المقادير:
كيلو دقيق ابيض
كوباية زيت ذره
كوباية سكر
قطعه بحجم العين الجمل خميره بيره
عدد2بيض
3ملاعق كبيره ومليانه لبن بودره
3ملاعق كبيره سمسم محمص
وندخل بقى على الطريقه:

نذوب الخميره فى شويه مايه دافيه ومعلقة سكر ونسيبها على جانب
نضع الدقيق عليه السكر واللبن البودره والسمسم ورشة الملح فى وعاء ونضع عليهم الزين وندعكه كويس اوى او نبسه بايدينا لحد مايبقى عامل زى الرمل ويبقى بالشكل ده

ثم نضع عليهم البيض ونعجن ونضع الخميره اللى احنا ذوبناها فى الماء الدافىء والسكر بالشكل ده:

ثم نبدا بعجن العجينه بالميه الدافيه لحد مانحصل على عجينه ملساء وطريه بالشكل ده

ونضعها فى وعاء ونغطيه

وبعد ساعه لما تخمر هتكون بالشكل ده:

ناخد منها قطعه ونبرمها رول طويل

ثم نلفها مثل الكحكه

ونضع طرفها تحتها ونرصها فى صينيه وندهنها بصفار بيضه ومعلقة لبن وفانيليا ثم نرشها بالسكر


انا كمان رشيت مع السكر قرفه
ونسيبها تخمر تانى وتبقى بالشكل ده:

وبعدها نكون مولعين الفرن قبلها وندخلها على فرن عالى وده شكلها بعد ماطلعت من الفرن

وهقولكم على سر انها بعد ماتطلع من الفرن ادهنيها بمعلقه مربى مدوباها فى معلقه ميا وبعد كده غطيها بفوطه نظيفه لحد لما تبرد عشان تحافظ على طراوتها


وده شكلها من جوه


ولو عجبتكم الشوريك ياريت تقيمونى وشكرااااااااا









©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©